ઈમાનદારીની કિંમત ફળશે નહિ,
લાગણીની કિંમત કદી થશે નહિ !

ન સ્વાર્થ કોઈ સંબંધમાં, ન નીતિ ખોટી,
તોય પોતાનાં કદી પોતાનો ગણશે નહિ !

સચ્ચાઈની સફાઈ આપીને થાકી જઈશ,
તોય કદી વિશ્વાસ કોઈ કરશે નહિ !

હૃદય પ્રેમથી છલોછલ ને લાગણીનો દરિયો,
તોય સાચું હમસફર જિંદગીમાં મળશે નહિ !

નિભાવીશ કેટકેટલુંય, તોય હૃદય તૂટશે,
ને એ તૂટેલું હૃદય કોઈ દેખશે નહિ !

પણ જે દી મરણખાટલી પર હોઈશ, "મનીષ",
તે દી લોકો પસ્તાવાને ય લાયક રહેશે નહિ !

- મનીષ ચુડાસમા
"સ્નેહનું પવિત્ર ઝરણું"
29112022

Gujarati Poem by મનીષ ચુડાસમા ”સ્નેહનું પવિત્ર ઝરણું” : 111918820

The best sellers write on Matrubharti, do you?

Start Writing Now