સતત ચાલી રહ્યા છે શ્વાસ ને ધબકાર મારા માં ,
કરે છે કોણ આ આઠે પ્રહર સંચાર મારા માં ?

હવે સંસાર માંથી કાંઈ મેળવવું નથી મારે ,
હવે શોધી રહ્યો છું હું બધોયે સાર મારા માં .

અરીસા માં નીરખવા ની મને હજી ક્યાં છે ?
કરું છું હું હજી તો ખુદ મને સાકાર મારા માં .

ભીતર ખખડયા કરીને રાતભર ઊંઘવા નથી દેતા,
ભર્યા છે કેટલાંયે સ્વપ્ન ના ભંગાર મારા માં.

કદાચ એથી જ મારામાં થી હું નીકળી નથી શકતો,
બીડાયેલાં હશે કંઈ કેટલાંયે દ્વાર મારા માં .

ભલા આ સૂર્યકિરણો ને હજી એની ખબર ક્યાં છે ?
દિવસ ઊગતાં સમાઈ જાય છે અંધાર મારા માં .

મને લાગે છે મારા માં જ ખોવાઈ ગયાં છે એ ,
ઊઠે છે એમ એના નામ નો પોકાર મારા માં .

બીજા ને શું મને ખુદ ને ય હું ચાહી નથી શકતો ,
ફક્ત તારે જ માટે છે બધોયે પ્યાર મારા માં .

છું હું તો આઈના જેવો અપેક્ષા કંઈ મને કેવી ?
કરી લો આપ પોતે આપ નાં દીદાર મારા માં .

"રાધે રાધે

Gujarati Romance by Radhe Bhai Jan : 111110131

The best sellers write on Matrubharti, do you?

Start Writing Now