પગ મૂકો તો સાચવવાનું,
જંગલ અંદર તોય જવાનું.

ભીંસી નાખે, મારી નાખે,
એવા અજગરથી બચવાનું.

કાગળ નામે ગામ બનાવી,
એમાં સહુને છે વસવાનું.

મ્હેલો બાંધી બેઠેલાને,
અંતે તો માટી જ થવાનું.

ચ્હેરા ઉપર હાસ્ય બતાવી,
ડૂસકાંઓ છાના ભરવાનું.

ફાવી જાશે સહુને મિત્રો ,
ખિસ્સામાં જળને ભરવાનું.

જન્મ અને મૃત્યુની વચ્ચે,
ચક્ર બનીને છે ફરવાનું.

પીડામાં ગઝલો લખવાની,
બીજું મારે શું કરવાનું?
-જિજ્ઞેશ વાળા

Gujarati Poem by Rinku Panchal : 111271537

The best sellers write on Matrubharti, do you?

Start Writing Now