આવકારોમાં

નવી તકલીફ ઊભી બારણે એ આવકારોમાં,
ફરીયાદો વળી ભેગી થશે આજે વખારોમાં.

કરી રાખી અહીં પાછી નવી આચાર સંહિતા,
અમલ કરવા હવે તૈયાર થાશે ત્યાં વિહારોમાં.

હતાં પગલાં અહીં સાધુ તણા જાણી ગયા'તા ને,
નથી પડવું ઘરમના આગવા એવાં પ્રકારોમાં.

હશે જ્ઞાની, હશે પાપી ફિકર એ કેટલી કરશો?
નશીબે એ મળેલા ત્યાં નવી રાહે નકારોમાં.

નવી પેઢી, નવી ખુશી, નવા દરદો મળી જાશે,
હવે આરામથી, આશા જ સંગાથે પગારોમાં.©
લગાગાગા લગાગાગા લગાગાગા લગાગાગા

"કાજલ"
કિરણ પિયુષ શાહ

Gujarati Poem by Kiran shah : 111903059

The best sellers write on Matrubharti, do you?

Start Writing Now