અડી લો ગઝલમાં

ગુલાબી વદન ને અડી લો ગઝલમાં
શરાબી એ આંખો રડી લો ગઝલમાં.

સૂરજ પણ અહીં આગ વરસાવતો'તો,
નિરાંતે એ બેઠો લડી લો ગઝલમાં.

પલક પર હતી પાલખી પાછી હવે,
પછી આંસુ સાથે દડી લો ગઝલમાં.

નજરમાં હતો અંજપો રાતભર ને,
ઊભી રાહ જોતી જડી લો ગઝલમાં.

નથી હામ બાકી હવેતો એ થાકી,
ને પાછી ફરી છે નડી લો ગઝલમાં.

કરું વંદના શારદાની પછી તો,
નમું છું નમીને ખડી લો ગઝલમાં.

ફરીથી કહું છું ગમો છો તમે ખૂબ
વળી પ્રેમમાં એ પડી લો ગઝલમાં.
લગાગા લગાગા લગાગા લગાગા

"કાજલ"
કિરણ પિયુષ શાહ
૧૪/૦૪/૧૯

Gujarati Poem by Kiran shah : 111903224

The best sellers write on Matrubharti, do you?

Start Writing Now