એકદી સર્જકને આવ્યો કંઇ અજબ જેવો વિચાર, દંગ થઇ જાયે જગત એવું કરું સર્જન ધારા
ફૂલની લીધી સુંવાળપ,
શૂળની લીધી ખટક,
ઓસથી ભીનાશ લીધી,
બાગથી લીધી મહક.
મેરુએ આપી અડગતા,
ધરતીએ ધીરજ ધરી,
વૃક્ષથી પરમાર્થ કેરી ભાવના ભેગી કરી.
બુદબુદાથી અલ્પતા,
ગંભીરતા મઝધારથી,
મેળવ્યો કંકાસ મીઠો,
મોજના સંસારથી.
પ્રેમ સારસનો ઉપાડયો પારેવાનો ફડફડાટ
, કાગથી ચાતુર્ય લીધું,
કાબરોથી કલબલાટ.
ખંત લીધી કેડીઓથી,
મક્ષિકાથી શ્રમ અથાગ,
નીરતી નિર્મળતા લીધી,
આગથી લીધો વિરાગ
પંચભૂતો મેળવી એ સર્વેનું મંથન કર્યું,
એકએક દી સર્જકે ધારા તણું સર્જન કર્યું.
દેવદુર્લભ અવનવી આ શોધ જ્યાં બીબે ઢળી, એ દિવસથી સુખ કેરી ભેટ મને મળી.
- જીગર
