💢 " જીવનનો ભરમ " 💢
તેં જ આપ્યા છે ઘાવ તો, તું જ મલમ આપ.
બીજું કંઈ નહીં તો આંખમાં થોડી શરમ આપ.
જીવી શકું હું આ જગતમાં તારા વિના પણ,
જીવનનો બસ તું મને એવો કોઈ ભરમ આપ.
આપવી જ હોય જો સજા મોહબ્બતની મને,
સદીઓ સુધી ચાલે એવો એક જનમ આપ.
વિનંતી બસ એટલી, હું ન રાખું હિસાબ કોઈનો,
ભુલાવી દઉં બધું જ એવી કોઈ કલમ આપ.
અંધારું ઘેરાયું છે હવે ચારે તરફ ઓ સનમ,
તું ના આવી શકે તો યાદોનો કોઈ નિયમ આપ.
સળગી રહ્યું છે આ હૃદય વિરહની આગમાં,
ક્ષિતિજે મળે "વ્યોમ" બસ મને એવું કરમ આપ.
✍...© વિનોદ. મો. સોલંકી "વ્યોમ"
જેટકો (જીઈબી) અંજાર. મુ. રાપર.
