Description

મુમ્બૈયા અંડરવર્લ્ડના ધુરંધરો સ્મગલિંગ, ડ્રગ ટ્રાફિકિંગ અને સુપારીથી ધરાયા નહોતા. એટલે ખંડણી ઉઘરાવવાની ‘નવી લાઈન’ એમણે શરૂ કરી હતી. મુંબઈમાં કોઈ બિઝનેસમેન કે બિલ્ડરે આ દાદાગીરી સામે ફરિયાદ નોંધાવાની હિંમત કરી નહોતી, પણ અમદાવાદના વેપારી જયલાલ ભાટિયા અને પરમાનંદ ભાટિયાએ હિંમત દાખવીને અંડરવર્લ્ડના કિંગ ગણાતા કરીમલાલાને લોકઅપની ગરમીનો અહેસાસ કરાવી દીધો હતો. કરીમલાલા દાયકાઓ સુધી મુંબઈ પોલીસના પંજાથી દૂર રહી શક્યો હતો, પણ જયલાલ ભાટિયા અને એના પુત્ર પરમાનંદ ભાટિયાની ફરિયાદ કરીમલાલાને ભારે પડી ગઈ હતી. તેમણે કરીમલાલા સામે અમદાવાદના અપહરણ અને ખંડણીની ઊઘરાણીની ફરિયાદ કરી હતી. અને મુંબઈ પોલીસની ક્રાઈમ બ્રાન્ચના અધિકારીઓએ કરીમલાલાની ધરપકડ કરીને એને લોકઅપ ભેગો કર્યો હતો.