Description

താലിഭാഗം 1" ജീവാ.... ഈ കടയിൽ ചോദിച്ച് നോക്ക്... ഇതാ... അഡ്രസ്സ് " എന്നും പറഞ്ഞ് കൊണ്ട് ബാലൻ മാഷ് അദ്ദേഹത്തിൻ്റെ ഡ്രൈവർ ആയ ജീവന് അഡ്രസ്സ് കൈ മാറി. അയാള് അഡ്രസ്സ് വാങ്ങി കട ലക്ഷ്യമിട്ട് മുന്നോട്ട് നടന്നു. അഡ്രസ്സ് കാണിച്ച് കൊടുത്തപ്പോൾ തന്നെ കടയിലെ ജീവനക്കാരൻ അയാൾക്ക് വഴി കൃത്യമായി പറഞ്ഞ് കൊടുത്തു. അത് പ്രകാരം ജീവൻ കാർ ഓടിച്ച് അഡ്രെസിൻ്റെ ഉടമയുടെ വീട്ടിൽ എത്തി. " സാർ ഇതാണ് എന്ന് തോന്നുന്നു സാർ പറഞ്ഞ സ്ഥലം. "എന്നും പറഞ്ഞ് ജീവൻ ബാലൻ മാഷേ നോക്കി. അദ്ദേഹം പതിയെ കാറിൻ്റെ ഡോർ തുറന്ന് പുറത്തേക്ക് ഇറങ്ങി. ചെറിയ പഴയ ഒരു ഓട് ഇട്ട വീട്. മുറ്റം നിറയെ പൂച്ചെടികൾ കൊണ്ട് മനോഹരമാണ്. ചെടികളുടെ ഇടയിൽ ഒരു മനോഹരമായ കിളിക്കൂട് തലയുയർത്തി നിൽക്കുന്നുണ്ട്. ജീവൻ കാറിൽ തന്നെ ഇരുന്നു. ബാലൻ മാഷ് വീടിൻ്റെ അടുത്തേക്ക് നടന്നു. നേരം ഉച്ചയുടെ അവസാന