The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
પકડી એકમેકના હાથ જોડાજોડ ચાલીએ. ના છૂટે કદીએ સંગાથ જોડાજોડ ચાલીએ. આવી ગઈ અવસ્થાને સમયનો છે તકાજો, દુઃખ સાથે ભીડી બાથ જોડાજોડ ચાલીએ. મેલી દઈએ મતભેદો હતા પૂર્વે એને કોરાણે, નિભાવીએ ઉભય સાથ જોડાજોડ ચાલીએ. સાથ સહકાર સંપ અને સાવચેતીના મંત્રથી, સાથે સદૈવ હો દીનાનાથ જોડાજોડ ચાલીએ. નથી સમયે જાજો હવે વિતાવવાનો આપણે, હાલતાં ચાલતા હરિને પ્રાર્થ જોડાજોડ ચાલીએ. -ચૈતન્ય જોષી .'દિપક' પોરબંદર.
ક્યારેક કવિના હૃદયને મળી જુઓ. ને ધબકારા એના સાંભળી જુઓ. ગાતું હૃદય ધરાવે છે કવિ મહાશય, ક્યારેક લાગણીને સમજી જુઓ. વહેતી ગંગા સમું ઉર છે એનું સદા, ક્યારેક શબ્દો દ્વારા માણી જુઓ. તમને ભોળું બાળક યાદ આવશેને, એના દૈવતને કદી પીછાણી જુઓ. શારદા વસી હશે એના શબ્દોમાં, આવા કવિત્વને બિરદાવી જુઓ. -ચૈતન્ય જોષી 'દિપક' પોરબંદર.
હૃદયના તાર ઝણઝણે અને લખાય કવિતા. ઉરથી આવે એ આંગણે અને લખાય કવિતા. ખાટા મીઠા અનુભવો જીવનને ઘડનારા હોય, જેને બસ પોતાના ગણે અને લખાય કવિતા. ક્યારેક ફફડે તો ક્યારેક તો થઈને આનંદિત, અંતર જ્યાં ગણગણે અને લખાય કવિતા. થાય અનુસંધાન ઈશથી અલ્પ સમય માટે, એક એક પંક્તિને ચણે અને લખાય કવિતા. પ્રેરણા પરમેશની પ્રેમથી પેપરે પાંગરતી પૂરી, સંદેશો એ પ્રભુનો ગણે અને લખાય કવિતા. -ચૈતન્ય જોષી 'દિપક'પોરબંદર.
ઘરના દરવાજે આવીને ઉભો રહ્યો એક ભિક્ષુક આવી યાચનાનો એણે શબ્દ કહ્યો એક ભિક્ષુક દરિદ્રતા નખશિખ જાણે વરી ચૂકી હતી એને, રખેને દીનતાએ કોઈ વેશ ધર્યો એક ભિક્ષુક. ચિંથરેહાલ કપડામાંથી ડોકિયું કરતી રંકતા ને, કૈંક પામવાને વારેવારે પ્રાર્થી રહ્યો એક ભિક્ષુક. હતી વેશભૂષા એવી ભલભલાને દ્રવિત કરતી, ને આદ્રતાથી શબ્દોને ઉચ્ચારતો એક ભિક્ષુક. મૂકીને ભરોસો ઈશ્વર પર એ યાચી રહ્યો હતો, કંઈ ના મળતા બીજે ડગ ભરતો એક ભિક્ષુક. ખુલ્લા પગે ગ્રીષ્મના એ દાઝી રહ્યો હતો કેટલો, એથી જ એટલે વારંવાર કરગરતો એક ભિક્ષુક. -ચૈતન્ય જોષી ' દિપક' પોરબંદર.
મારા હાથમાંથી દાણા લૈ જતી એ ચકલી હતી. મારી નજીક આવી ચીં ચીં કરતી એ ચકલી હતી એનું આગમન રોજરોજ મને હરખાવતુ હંમેશા, જમતીવેળા મારી નજીક ફરકતી એ ચકલી હતી. દાણા વેરુ મારી ફળીમાં તો સૌથી પહેલાં આવતી, રખેને મને હોય એ ઓળખતી એ ચકલી હતી. રાશન કાર્ડમાં નામ નથી એટલું જ બાકી છેને, ઘરના સભ્યની જેમ જ વર્તતી એ ચકલી હતી. આવી ક્યારેક સમૂહમાં ઘરને ગજાવી મૂકનારી પક્ષી માનવનું ઐક્ય જે સાધતી એ ચકલી હતી. -ચૈતન્ય જોષી 'દિપક 'પોરબંદર.
ઘરમાં હતો સાવ સૂનકાર ત્યાં તો ચકલી આવી તૂટી ગઈ વિચાર ભરમાર ત્યાં તો ચકલી આવી ચીં ચીં કરી આખું ઘર જાણે કે એણે માથે લીધું ઘરમાં ભમ્યા કરે વારંવાર ત્યાં તો ચકલી આવી આ એ જ ચકલી છે જે મારી ફળીના ઝાડની લૈ આવી બચ્ચાં વણજાર ત્યાં તો ચકલી આવી. મને સ્ફુર્યો વિચાર "શું આ ઘર મારું એકલાનું જ"? પંખી પણ બનાવે આધાર ત્યાં તો ચકલી આવી ને મને યાદ આવી સુતા નાનકી ચકીસંગ રમતી, હતું બંનેમાં હેત અપાર ત્યાં તો ચકલી આવી. - ચૈતન્ય જોષી 'દિપક ' પોરબંદર.
બ્રહ્મચારિણી મા બુદ્ધિ પ્રદાતા. ભીડભંજની મા ભાગ્યવિધાતા. મંગલકરણી મહા સુખકારી, રોગ શોક આપદા ને નિવારી. કલેશનિવારિણી સર્વ સુખ દાતા..૧ દૃષ્ટદમની મુનિજન સુખદાઈ, કષ્ટનાશિની મા કરુણાકારી. પાપવિમોચિની સુખ શાંતિપ્રદાતા..૨ કલિકલેશહારિણી શ્વેતાંબરધારી, કૃપાકારિણી ભક્તવત્સલતાધારી. કલિમલહારિણી મા શુભ્રવરદાતા..૩ -ચૈતન્ય જોષી 'દિપક' પોરબંદર.
આમ ટાણાટંક વગરનું વરસવાનું સારું ન લાગે. ગમે ત્યારે અવની પર ખાબકવાનું સારું ન લાગે ક્યાં જવાય એનું પણ આપણને ભાન હોવું ઘટે ભરઉનાળાને કદીએ પડકારવાનું સારું ન લાગે. જ્યાં ન હોય પ્રતીક્ષા આપણી ત્યાં શું જાવાનું ઋતુવિણ આભે જઈ ગરજવાનું સારું ન લાગે. 'મા'શબ્દ લાગે છે તારા નામની આગળ હંમેશા ગરીમા એની ભલા ગુમાવવાનું સારું ન લાગે. વણનોતર્યા મહેમાન જેવી દશા થઈ છે તારી ને આવીને સ્વમાન ખુદનું ખોવાનું સારું ન લાગે. -ચૈતન્ય જોષી 'દિપક' પોરબંદર.
જગત આખું મિથ્યા લાગે તારા સ્મરણ વિના. અકારણ જાણે મથ્યા લાગે તારા સ્મરણ વિના ખજાનો જ્ઞાનનો મગજમાં ભરી દીધો અમે તો, તોય તારી ખાલી જગ્યા લાગે તારા સ્મરણ વિના. ગજાવી સભાઓ અમે પ્રવચનો કરી કરીને કેટલા, ભાસે કે કંઈક ચૂક્યા લાગે તારા સ્મરણ વિના. થયા લોકપ્રિય કેટલા અમે શબ્દો તણા સહારા, થકી, રખેને ખોટું સમજ્યા લાગે તારા સ્મરણ વિના. હોય એ મબલખ પૈસા અને સુખ સુવિધાઓ વળી, એમાં પણ છેતરાયા લાગે તારા સ્મરણ વિના. વીતી ગઈ જિંદગી આમને આમ શોધખોળમાં, કાચને પારસ ગણાવ્યા લાગે તારા સ્મરણ વિના. -ચૈતન્ય જોષી 'દિપક ' પોરબંદર.
માં શૈલતનયા. શરણાગત છીએ માં શૈલતનયા. ભજનરત છીએ માં શૈલતનયા. દુ:ખહર્તા સુખદાયની માતા; સ્મરણ સેવકને સુખદાતા. વંદન શતશત માં શૈલતનયા. આદ્યશક્તિ માં કરુણાકારી, કરોને દયા તમે હેત પ્રસારી. તમે રાખોને પત માં શૈલતનયા. શિવા સ્વરૂપ માં અંતરયામી, વિનવું માં તમને શીશ નમામી. પ્રનવઉ શરણાગત માં શૈલતનયા. બુદ્ધિ દેજો શક્તિ દેજો માં તમે, ભક્તિ દેજો અનુરક્તિ દેજો તમે. રહે મસ્તક ઉન્નત માં શૈલતનયા. -ચૈતન્ય જોષી દિપક, પોરબંદર.
Copyright © 2026, Matrubharti Technologies Pvt. Ltd. All Rights Reserved.
Please enable javascript on your browser
