Quotes by Padmaxi in Bitesapp read free

Padmaxi

Padmaxi

@padmaxi
(175)

બોલી દઈએ ને સમજો એ શું મોટી વાત ?
મૌનને કળો તો જણાય સંબંધની તાકાત.

પદ્માક્ષી (પ્રાંજલ)

તું "

વર્ણવી ના શકું શબ્દોથી એ અહેસાસ છે તું
અહીં, ત્યાં ,કયાં નથી ! જોને ચોપાસ છે તું.

ઉકળે વાતાવરણ ને વધી જાય બફારો માન્યું,
કમોસમી વરસી પડે એ આસમાની હાશ છે તું.

વગર ચિંતાએ વીતી જાય પહોર એવું કંઈ બને?
વાયરાએ સ્પર્શી થપથપાવે એ અહેસાસ છે તું.

દૂર ભાગતો રહું સ્વાર્થઘેલા કાળા માથાઓથી
ત્યાં ભીતર જીવતો અખંડ, અપાર વિશ્વાસ છે તું.

મહેંદી,અત્તર કે કુસુમોના શણગાર ના એકે અડ્યા
તોય અદશ્ય સંગાથે મ્હેંકતી રહેતી સુવાસ છે તું.

મથું, મૂંઝાઉં,અકળાઉં,ગભરાઉં ને રોઈ પડું આખર
સ્મરણ માત્રથી મન બદલી નાખતો પ્રવાસ છે તું.

કંટાળીને બબડી રહું કે 'બસ છોડી દેને એકલો મને "
અપાર વ્યસ્તતામાંય ન છૂટતો પેલો શ્વાસ છે તું.

પટેલ પદ્માક્ષી (પ્રાંજલ)

Read More

તું બોલ હું સાંભળું
હું બોલું ને તું સાંભળ
સંગાથે નહીં પણ ચાલીએ
તું આગળ ને હું પાછળ.
લૂછી લેવું હળવેકથી
ભલે ને વરસે આંખ્યુનાં વાદળ,
અક્ષરોથી પસવારવા ધટે, હેતે લખેલા કાગળ.

-Padmaxi

Read More

વ્યાજબી છે તારું વળગી પડવું,
હેતથી મળવાનો અલગ હરખ હોય સાહેલી!

-Padmaxi

દીવાળીનું
વૅકેશન
પડ્યું ને
મળી જશે હવે પેલું ભરેલું ઘર,
ચાલો થયો રાહગીરનો પૂરો સફર.

-Padmaxi

તારા વિના મને સાવ એકલું એકલું લાગે
ભર્યુંભાદર્યું ચોપાસ તોયે કંઈક છૂટતું લાગે.

ગૂંથાય જાઉં રોજમેળના કામોમાં
છતાંય સતત કંઈક ખૂટતું લાગે.

બહુ મથું બદલવા મનની સ્થિતિને
પણ ભીતર મહીં કંઈક તૂટતું લાગે.

વારંવાર મનાવી સરખું કરેલું હ્દય
અમસ્તી વાતથી ફરી રૂઢતું લાગે.

ભરીને હકાર બેઠા હોય માંડ પ્રિય
નકારું અણધારું તેને લૂંટતું લાગે.

પદ્માક્ષી(પ્રાંજલ)

-Padmaxi

Read More

છે નીલગગનની છાબમાં
ચંદ્ર દેખાયો આભમાં
શૃંગાર કરી લે સજની
સાજણ મળશે તને ખ્વાબમાં.

-Padmaxi

આપવું હોય તો આપ
આખેઆખો ચંદ્ર મને,
આમ તરસી-તરસીને કયાં સુધી જોઉં તને?

-Padmaxi

પ્રિય તું આવજે...

હસવાનું તને ફાવતું નથી ખબર છે મને
તારા ચહેરા ઘડીક સ્મિત સજાવજે
પ્રિય તું આવજે
છોને હોઠો પર હજારો ફરિયાદ લાવજે
પણ પ્રિય તું આવજે.
કુમકુમથી ભરી હથેળી તું લાવજે
પ્રિય તું આવજે
સંગમાં હરખઘેલી જાન આખી લાવજે
પ્રિય તું આવજે
શોળ શણગાર સજેલી કાયા પર
પ્રેમ વર્ષા વરસાવજે
પ્રિય તું આવજે
જો એકાદ શ્વાસ
બક્ષે ઈશ્વર
તો જોઈશું ફરી મનભર એકમેકને
અંતિમ પડાવ પર અંતસાથી બનવા છેલ્લીવાર
પ્રિય તું આવજે.

-Padmaxi

Read More

એક તારા જ નામે લખાયેલું આ શ્વાસનું પુસ્તક,
જે શબ્દ વાંચીશ એમાંનો પ્રેમાર્થ માત્ર એક "તું ".

-Padmaxi