The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
वक्त की भी अजीब दुश्मनी है हमसे। जब हमारे पास हो तो उनको फुर्सत नहीं होती। जब उनके पास हो तो हमसे नजदीकिया नहीं होती। कई वक्त के बाद आते है खुशनसीबी के मंजर। बस तब वक्त निकल जाता है, हो के छूमंतर।
એવી તો કોઈ વાત ના હતી કે કહી ના શકાય... એવી તે કોઈ યાદ ના હતી કે વાગોળી ના શકાય... છતાં આ મૌનની હાજરી,શબ્દો ને ગુચવે કેમ?... તારી આંખોમાં મારી હાજરીને દેખાય એમ સંતાડે કેમ?.... દિલ ના ઊભરા કોઈ ભાર વગર ઠાલવ્યા છે... લાગણીઓના ઝરણાં કોઈ આડ વિના વહાવ્યા છે.... છતાં આ હદ વગરની સરહદ તારા વર્તનમાં ઝળકે કેમ?... ને આજે પણ તારું હૃદય મને જોઈ ને બમણાં વેગે ધડકે કેમ?... નાટક નહોતું કે પડદો પડી જાય ને વાર્તા પૂરી... જિંદગી છે ત્યાં સુઘી યાદોની પટારી ખુલ્લી... છતાં કોઈ યાદને યાદ કરીને તરછોડાય કેમ?.... વાત કર્યા વગર સબંધની ઊંડાઈ મુલવાય કેમ?...
આંખો બંધ કરવાથી વર્તમાનનું દ્રશ્ય થોડીવાર માટે અદ્રશ્ય થઈ જાય... પણ ઊંડે પડેલી સ્મૃતિઓ આળસ મરડી ને બેઠી થાય એનું શું.... કઈક ને નકારવા માટે પહેલા અવકારેલું પણ હોવું જોઈએ... અને કઈક ભૂલવા માટે અવિસ્મરણ્ય ક્ષણ પણ જીવાઇ ગયેલ હોવી જોઈએ... પ્રયત્નો ખાલી કઈક યાદ રાખવા કે ભૂલવા માટેના ક્યાં કોઈ દિવસ હોય છે... પ્રયત્નો તો લાગણીઓની ભરતી ઓટ ને ઝીલવાંના હોય છે.... સમુદ્ર શાંત હોય ત્યારે એને નિહાળવો ગમે,લહેરો ને લહેરોને સ્પર્શીને માણવો ગમે... અને એ જ જ્યારે ધૂંધવાટ સાથે ઊંચા મોજા ઉછાળે ત્યારે ડર પણ જન્માવે... એક ની હયાતી બીજા ની ગેરહાજરી માત્ર હોય છે... બાજુ ગમે પસંદ કરો પણ સિક્કો તો બંને બાજુ સાથે રાખી ને જ ચાલે છે...
સ્વતંત્રતા ખાલી વિચારો ની જ છે... બાકી તો ઘણા બંધનો ને સાચવીને બેઠી છું... ક્ષમતાની જ વાત હોત તો ખૂંદી વળી હોત દુનિયા.... એતો હિંમતનો અભાવ કે થોડા ડગલાં ને દુનિયા બનાવી બેઠી છું... નીકળવાની ના નથી પાડતું મને,કોઈ મારા પરિઘ માંથી... હા પાડશે તો હું ક્યાં?.... એ સવાલ ઊંડે ઘૂંટી ને બેઠી છું... કલ્પનાઓ તો ઉપરછલ્લી,ટોચે પહોંચાડી દે એવી... વાસ્તવિકતા બનશે તો....? ઊંડાણમાં ડૂબવાની એ સંભાવના સાથે બેઠી છું... હું અંદર દરિયો સમાવીને, બહાર ખાબોચિયાંના આવરણ પાછળ બેઠી છું...
તારી સાથે વિતાવેલ પ્રત્યેક ક્ષણ સમૃદ્ધ બનાવે છે મારી આજ ને આવતીકાલ ને.... મારી લાગણીઓ,સપનાઓને,ઈચ્છાઓ,ભાવનાઓ નદીની જેમ વહેવા લાગે છે તારી હાજરીમાં.... અને હું સ્થિર થઈ જાવ છું જાણે કે એ એક જ ક્ષણમાં જીવન હોય.... મને ગમે વિષમ પરસ્થિતિઓમાં તૂટવું,જોડાવું,લડવું, થાકવું,હારવું,જીતવું જો તું સાથે હોય... બધું જ સ્વીકાર થઈ જાય,બધું સરળ થઈ જાય,તારી હાજરી થી મેઘધનુષ્ય રચાય જાય .. બસ તું હોય હંમેશા મારી સાથે ને મારો પ્રત્યેક દિવસ valentine થઈ જાય...
વહી જતી રાત જોઈ છે,વહી જતી વાત જોઈ છે... બંધ મુઠ્ઠીમાં પકડી રાખવા મથતી સમય ની એ ભાત જોઈ છે... તારાઓની વચ્ચે ચંદ્રના ાે પ્રકાશની જેમ સંતાકૂકડી રમતાં.... ઘટનાઓ વચ્ચે ભજવાતી સાઠ-ગાઠ જોઈ છે... અટકવાથી ફક્ત આપણી જાત અટકે છે.... બાકી પસાર થતી જિંદગીઓની વાટ જોઈ છે.. સડસડાટ ચાલતા વિચારોમાં, ખોવાતી પ્રાથમિકતામાં... એક આછા સપનાની એ અડીખમ છાપ જોઈ છે.... સાચવીને રાખી શકાય એવી બધી લાગણીઓમાં... બદલાયેલા સમયની એ ઉજવાયેલી થપાટ જોઈ છે.. હિસાબો ચૂકતે કરવામાં હાંફી જતા જન્મરાઓ... છતાં હૃદયમાં ઊંડે કઈક પૂરું થયાની હાશ જોઈ છે...
બધું જ હેમખેમ પસાર થઈ જાય એમ કેમ ચાલે.... જીવન એક સીધી લીટી માં સમેટાઈ જાય એમ કેમ ચાલે.. ઘણાં સપનાઓને પૂરા કરવાના આશિષ લઈને બેઠો છું... પણ હકીકત સામે બળવો ના કરે એ કેમ ચાલે?... જન્મ સત્ય કે મૃત્યુ? કોણ સાચો જવાબ આપી શકે છે... પણ જીવન પર જ પ્રશ્નાર્થ ચિન્હ લગાવે એ કેમ ચાલે.... હસે તારી ગણતરી કંઇક વધુ શ્રેષ્ઠ કરવાની હે ઇશ્ર્વર.... પણ એ શિખરે પહોંચવા, ગમતું છૂટે જ એ કેમ ચાલે... જવાબો તો નક્કી કરી ને જ બેઠો છે સદીઓ થી... છતાં મને કોયડાઓ અઘરા આપે એ કેમ ચાલે.... ચલાવવા માં ને ચાલવામાં ખાલી સ્વતંત્રતા નું અંતર... ઇચ્છાઓની પાંખ સામે શરતોનું બંધન આપે એ કેમ ચાલે... નથી પહોંચી શકવાના તારી પાસે આ હું પણા ના અહંકાર સાથે.... છતાં પ્રયત્નો બધા હું માં જ અટવાઈ ને જ થાય એ કેમ ચાલે...
બધું પસાર થઈ ગયું એક રાત ની જેમ... એ ક્ષણ પણ જીરવાય ગઈ એક વાત ની જેમ.... આ માહોલ વીતી ગયા પછી નું ડહાપણ હતું... કે સમજદારી વધતી ગઈ ચાંદ ની જેમ.... યાદ રાખવા એ વાતો કંઈ મહત્વની નહોતી... છતાં હૃદયમાં જાડાઈ ગઈ એક ટાંક ની જેમ... ભૂતકાળ બની ગઈ બધી સંભાવનાઓ.. છતાં વર્તમાનમાં ઘૂંટાઈ રહી આજ ની જેમ... આનંદ પણ નહોતો કે વસવસો પણ નહોતો... કે આ લાગણીઓ પણ છેતરાઈ ગઈ હૃદયની જેમ...
પ્રયત્ન હોય તો પરિસ્થિતિ ની પકડ કેટલી? આપની ઢીલાશ અને એની અકડ એટલી.... નદી ના વહેણમાં આવતા પાષાણ ની જકડ કેટલી? જેટલી નમ્રતા,એટલી ક્યાંક પહોંચવાની શક્યતા એટલી... થકવી નાખતી,અટકાવી નાખતી વાતો ની અસર કેટલી? યાદો માં છેલ્લે ગોઠવાઈને પડી રહેતી બસ નોંધ એટલી... કોઈક ના શબ્દોની આ હૃદય પર ઝપટ કેટલી... ઉઠતા સ્પંદનો ને કલ્પનાઓમાં ઝુમાવે એટલી... સફળતા ની વ્યાખ્યાઓની સ્ત્યતા કેટલી? કેડી થકી મંઝિલે પહોંચી ને વિસામો લે એટલી....
તમારું નક્કી જોડાણ મારા શ્વાસ સાથે લાગે છે... દરેક શ્વાસની સાથે મારા અંતરમાં પ્રસરવા લાગો છો.... તમારું નક્કી જોડાણ મારા મન સાથે પણ લાગે છે... દરેક વિચાર સાથે વિસ્તરી જવા લાગો છો... તમારું નક્કી જોડાણ મારા હૃદય સાથે પણ લાગે છે... દરેક ધબકાર સાથે જીવન જેવા લાગો છો... તમારું નક્કી જોડાણ મારા અસ્તિત્વ સાથે પણ લાગે છે.. દરેક વખતે મારા કરતાં પણ વધારે મારા લાગો છો... તમારું નક્કી જોડાણ મારી આત્મા સાથે તો લાગે જ છે... દરેક જન્મો થી મારા પ્રેમને વધુ નિર્મલ બનાવતા લાગો છો...
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
