Quotes by Vrishali Gotkhindikar in Bitesapp read free

Vrishali Gotkhindikar posted an update Marathi Blog

#लाडूचलाडू
साधे सोपे मुगाचे लाडू
श्री गणेशाच्या आरती साठी
सकाळ संध्याकाळ वेगळा प्रसाद आपण करीत असतो
छोट्या आकारात हे लाडू प्रसाद म्हणुन करता येतात
हे लाडू अक्षरशः दहा ते पंधरा मिनिटात होतात
शिवाय पाक वगैरेची गरज नसते

एक वाटी मूग डाळ
पाऊण वाटी गुळ
तीन चमचे साजुक तूप

प्रथम मुगाची डाळ कोरडीच खमंग भाजून घेणे
फार लाल करायची नाही
फक्त भाजलेला वास यायला हवा
आता ती थोडी थंड होऊ द्या
थंड झाल्यावर ही डाळ आपल्या मिक्सर मध्ये बारीक करून घ्या
कढईत एक चमचा तूप घालून हे डाळीचे पीठ भाजुन घ्या
आता पुन्हा हे पीठ गार होण्यासाठी ताटलीत काढा
कढईत उरलेले दोन चमचे तूप घाला
तूप वितळले की त्यात पाऊण वाटी चिरलेला गूळ घाला
या मिश्रणाला शिजून बुडबुडे येताच ताबडतोब कढई खाली उतरवून मुगाचे भाजलेले पीठ घाला
व चांगलें एकजीव करा
गरम असतानाच लाडू वळा
वळताना लाडू मऊ वाटतात
थंड झाले की हे लाडू घट्ट होतात
मुगाचे पीठ मुळातच स्वादिष्ट असतें
मुगाचा मूळचा स्वाद राखण्यासाठी
यात वेलदोडे घालणे किंवा काजु बदाम सजावट याची गरज पडत नाही
तरीपण आवडत असल्यास जरूर घाला

25 Views

Vrishali Gotkhindikar posted an update Marathi Blog

2 days ago

🟠सारणाच्या साटोऱ्या

🟠साटोरी म्हणजे सारण असणारच
हे सारण मात्र असेच उरले सुरले होतें 😊

🟠गणपतीच्या दिवसात
बरेच मोदक करून झाले
उकडीचे
तळलेले
कणकीचे उकडलेले... वगेरे
शेवटच्या दिवशी प्रसादा नंतर थोडे सारण उरलेच
खाऊन संपवावे असेही वाटेना
इतके थोडे होतें की त्याचे पाच मोदक पण झाले नसते..
मग त्याच्या या साटोऱ्या केल्या

🟠सारण फ्रिज मधे असल्यानं कोरडे होतें
ते प्रथम थोडा गूळ घालून परतून घेतले

🟠त्यात वेलदोडे पुड घालून
त्याला थोडा ताजेपणा दिला

🟠कणिक थोड डाळीचं पीठ आणि मोहन, मीठ घालून भिजवली

🟠थोड्या वेळाने दोन पारी मध्ये सारण घालुन भाजलेल्या खसखशी वर साटोऱ्या लाटल्या

🟠कडेने कातण्या ने कापल्या
साजूक तुपावर खरपुस दोन्हीकडून भाजुन घेतल्या

60 Views

Vrishali Gotkhindikar posted an update Marathi Poem

4 days ago

भवरा बडा नादान.

18 Views

Vrishali Gotkhindikar posted an update Marathi Poem

4 days ago

नाचाचा....पदन्यास करता. करता..
माझं मनही तुझ्यासोबत ...नाचत असतं..ग..
....माझे हात तुझ्या कमरेभोवती...
..तुझे बाहु माझ्या गळ्यात...
..तुझी मान खाली..झुकलेली..
..माझी नजर तुझ्यात ..गुंतलेली...
माझे उष्ण ,..श्वास..तुझ्या चेहेर्यावर,,,
..तुझ्या आस्तित्वाचा..मंद ..गंध..माझ्या अवती भवती..
तुझी माझी पावलं..एकमेकांना..साथ देत असतात..!
..एका क्षणी..तु अलग होतेस माझ्यापासुन....
आणी ..नाचाचे नवे ..आवर्तन.सुरु.. होते..
..काही क्षण..होते चलबिचल माझी...
..मग परत एकत्र येवुन..थिरकतात..आपली पावले.!!
...खुपच रोमांचकारी..असतात ते..सारे क्षण..!!!

वृषाली ..

87 Views

Vrishali Gotkhindikar posted an update Marathi Blog

4 days ago

⭐मिक्स डोसे⭐

⭐अर्धी वाटी तांदूळ
अर्धी वाटी राजगिरा पीठ
अर्धी वाटी ज्वारी पीठ
अर्धी वाटी बाजरी पीठ
अर्धी वाटी उडीद डाळ
चमचा भर मेथी

⭐दुपारी तांदुळ ,उडीद ,डाळ व मेथी एकत्र भिजवले
रात्री ते सरसरीत वाटून
त्यात बाजरी, ज्वारी व राजगिरा पीठ मिसळून
झाकून ठेवलें
सकाळी पीठ छान फुगले
चवी प्रमाणे मीठ घालून
तव्यावर डोसे घातले
छान कुरकुरीत झाले

⭐बटाटा उकडून नेहमीप्रमाणे कांदा घालून भाजी केली
चटणी
अर्धी वाटी खोबरे
अर्धी वाटी भाजके दाणे
मीठ, साखर ,चिंच, मिरची, जिरे, घालून
चटणी वाटली
#वृषालीच्या स्वयंपाकघरात

#चवदार_चविष्ट

84 Views

Vrishali Gotkhindikar posted an update Marathi Blog

5 days ago

हरतालिका व्रत करून पार्वतीने शिव शंकराला प्रसन्न करून घेतले होते .
माहेरी हरतालिकेचा उपास कडक नव्हता .
आई खिचडी, दुध फळे असे काही खाऊन उपास करीत असे .
मी मात्र हट्टाने अगदी निर्जळी उपास करीत असे .
मी रात्री झोपी जात असे ,आई मात्र जागी राहून बारा वाजता मला उठवून
दुध प्यायला देत असे .
या दिवसाची एक आठवण मात्र कायम येतेच .
नुकतीच मी नोकरीला लागले होते .
अजुन लग्न व्हायचे होते .
आणि ऑफिसकडून तीन महिन्याच्या ट्रेनिंग ची ओर्डर आली.
मात्र हे ट्रेनिंग नाशिकला होते .
आई वडील जरा बिचकले .
ते दिवस सातच्या आत घरात या पठडीतले होते .
मुलींवर बरीच बंधने असत.
नाशिकला ना कोण ओळखीचे न नात्यातले .
एकट्या अविवाहित मुलीला तिकडे कशी पाठवणार आणि तेसुद्धा तीन महिने .
आई वडिलांना कोडे पडले .
शेजारच्या वहिनींना हे कळले तेव्हा त्या म्हणाल्या काही काळजी करू नका .
माझे माहेर आहे नाशिक .
खुप मोठा वाडा आहे आमचा आणि सख्खे चुलत काका सगळे एकत्र राहतात
आमच्या घरात ..
ही तिकडे आरामात राहू शकते .
हिच्या वयाच्या माझ्या तीन बहिणी आहेत घरात .
मी कळवते माझ्या घरी ही येणार आहे असे .
आई वडील हे ऐकुन थोडे निष्काळजी झाले .
मग वहिनीनी पत्र घालुन घरी कळवले माझ्या येण्याविषयी .
मी नाशिकला गेले ,खरोखर माझी मस्त व्यवस्था झाली त्यांच्याकडे .
मोठे व्यापारी असलेल्या वहिनींच्या वडिलांचा खुप मोठा वाडा
अगदी भद्रकाली देवीच्या देवळाशेजारीच होता .
घरात नोकर चाकर मिळुन चाळीस पन्नासलोक होते .
माझ्या वयाच्या दहा बारा मुली होत्या .
श्रीमंत कुटुंब असल्याने मुली नोकरी वगैरे करीत नव्हत्या .
त्यांच्यावर स्वयंपाक पाणी किंवा इतर कसलीही जबाबदारी नव्हती .
फक्त मजेत राहणे आणि शिकणे .
मी एकटी इतक्या लांबून नोकरी साठी येते आणि राहते याचे सर्वांना भारी कौतुक होते .
मी सकाळी नऊ ला बाहेर पडत असे ते संध्याकाळी सातला येत असे .
इतक्या सकाळी त्यांच्याकडे फक्त चहा झालेला असे .
स्वयंपाकी यायला अजुन उशीर असे .
घरच्या वहिनी माझ्यासाठी रोज उप्पीट किंवा पोहे करून माझ्या डब्यात देत असत .
ऑफिस जवल सुध्दा चहा व्यतिरिक्त काही मिळत नसे
अख्खा दिवस तेव्हढ्या डब्यावर काढायला लागत असे

मला पोळी भाजीचा डबा देता येत नाही याचे त्यांना फार वाईट वाटे .
त्यांची अडचण मला पण समजत असे माझी काहीच तक्रार नव्हती
संध्याकाळी मात्र गेल्यावर चहा सोबत काहीतरी मस्त खाणे तयार असे .

रात्री जेवण पण सगळ्यांच्या सोबत गप्पा करीत होत असे .
त्यांच्या घरात देवधर्म ,पूजा ,अर्चा ,सोवळे, ओवळे अतीशय कडकपाळले जात असे .
आंघोळ केल्या शिवाय घरातल्या कोणालाच चहा पण दिला जात नसे .

त्या दिवशी हरतालिका होती .
सर्व मुलींचा बायकांचा उपास म्हणून घरात असंख्य फळे ,सुका मेवा आणला होता .
सकाळीच भले मोठे दुध आटवायला ठेवले होते .

मी आदल्या दिवशीच घरी सांगितले होते माझा कडक उपास आहे असे .
ते समजल्यावर सगळे माझ्याकडे आणखीनच आदराने पाहु लागले .
आजीनी माझ्या कानशिलावर बोटे मोडली .

मी सकाळी नेहेमीप्रमाणे ट्रेनिंग ला गेले .
दिवसभर उपास होताच ,शिवाय त्या दिवशी घरी यायला सुद्धा बराच उशीर झाला होता
दिवसभराचा उपास आणि नोकरीची दगदग यामुळच मी दमून गेके होतें

माझा कोमेजलेला चेहरा बघुन घरच्या सर्वांना वाईट वाटले .
इतर वेळेस तु कडक उपास करीत असशील पण आता नोकरी आहे
तेव्हा काहीतरी फळे खा किंवा दुध पी असा सर्वांनी आग्रह केला .

शिवाय रात्री जागरणाचा कार्यक्रम पण ठेवला होता .
सखी पार्वतीची पूजा झिम्मा फुगडी गप्पा गोष्टी खेळ वगैरे ..

पण मी माझ्या मताला ठाम होते .
माझा उपास कडक होता .

तेव्हा मात्र घरच्या सगळ्या मुलींना आजी म्हणाल्या बघा ग तुम्ही दिवसभर खा खा करताय
ही मुलगी सुध्दा तुमच्या एवढीच आहे तरी पण पण दिवसभर उपास केलाय
शिवाय ऑफिसला जाऊन आलीय ..

इतका कडक उपास निभावल्या बद्दल रात्री खेळ वगैरे झाल्यावर बरोबर बारा वाजता
आजींनी मला सखी पार्वती शेजारी चौरंगावर बसवले
आणि कुंकू लावुन गरम मसाला दुध मला स्वतःच्या हाताने पाजले .
आणि उपास सोडायला लावला .

सर्व बायकांना माझ्या कडक उपासा विषयी सांगितले
जमलेल्या शेजार पाजारच्या पन्नासभर बायका माझ्याकडे कौतुकाने पाहत होत्या .
इतक्या लोकांच्या समक्ष झालेला हा सन्मान मला फार आवडला.❤️
अजूनही त्यांच्या घरी हरतालीकेला माझी आठवण निघतेच .

क्डक उपास करून माझा शंकर मला मिळाला .🙂🙂
मग लग्नानंतर मात्र मी खिचडी फळे खाऊन उपास करू लागले
दर वर्षी सखी पार्वती ची मूर्ती आणून पूजा करते
दुध साखर आणि फळांचा नेवेद्य दाखवते
गौरी गणपती सोबत त्यांचे ही विधिवत विसर्जन करत

94 Views

Vrishali Gotkhindikar posted an update Marathi Poem

1 week ago

.हसताना..तुझ्या....चेहेर्यावर..
...एक..मंद मधुर.."आभा"...येते खुलुन..!!
.".खळ्या"..नसतात..गालावर....
तरी मीच जातो .."बुडुन"...
..खळाळुन..हसण्याची..पाहुन तुझी.."अदा'...
..असे वाटते..तु ...हसतच..रहावे...सदान..कदा..!!
.........पण जेव्हा,,रुसतेस ना..एकेकदा....!
...माझ्या..जीवाचा...होतो ग अगदी.."फालुदा"..
..कशी..समजुत काढु तुझी कळतच नाही..!!
...अचानक..जीवनात काही.."रसच"वाटत..नाही..!!
..रुसलेला..तुझा...चेहेरा..खरोखर.."सुंदर'..दिसत असतो ग..
..पण कधी सोडशील..रुसवा.??या....विचाराने...
.....माझं मन" धास्तावत."असत..गं..!!
..तुझे.."हसणे"..तुझे.."रुसणे"....
..कसे ग सारेच..."लोभसवाणे"..!
.....ठावुक..आहे मला...दोन्हीही..असतात...
माझ्यावरच्या.."प्रेमाचेच'..बहाणे..!!!!

...................................वृषाली ..**

9 Views

Vrishali Gotkhindikar posted an update Marathi Blog

1 week ago

💥रस खापरोळी 💥

💥एक वाटी तांदूळ
अर्धी वाटी उडीद डाळ
पाव वाटी हरबरा डाळ
एक चमचा मेथी
स्वच्छ धुवून रात्री सकाळी घालणे
रात्री ते थोडे जाडसर वाटून झाकून ठेवणे

💥सकाळी पीठ चांगले फुगुन येते
मीठ आणि थोडी हळद घालून चांगले सारखे करून घेणे

💥तव्यावर तेल घालून थोडे जाडसर पोळे घालणे
वर झाकण ठेवावे
पाच मिनिटात छान जाळी पडते
परत दुसऱ्या बाजूने भाजून घेणे

💥नारळाचे जाड दूध काढून त्यात गुळ, वेलदोडे पावडर घालावी

💥तयार गरम पोळ्यावर हे नारळाचे दूध घालून पाच मिनिटे ठेवावे
पोळे नारळाचे छान शोषून घेतात
पाच मिनिटा नंतर खायला घेणे
खूप चविष्ट अशी ही कोकणी पाककृती आहे

110 Views

Vrishali Gotkhindikar posted an update Marathi Blog

1 week ago

नारळाच्या दुधातील
नाचणीच्या शेवया..

नाचणीचे पीठ थोडे मिठ घालून
उकड काढली
शेवेच्या सोरया ने शेव पाडली
सोबत नारळाच्या दाट
दुधात वेलदोडे पूड गूळ घालून
खायला घेतली
चविष्ट पौष्टीक उत्सहवर्धक 💕