The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
માનો વિકલ્પ ઓછું બોલી સતત પ્રેમ વરસાવતી કામ જ એની પૂજા પરફેકશનની આગ્રહી નાત જાતના ભેદભાવથી દૂર પોતાની આગવી દુનિયા પશુ પંખી કે ભૂખ્યાનો ભરોસો કરુણામૂર્તિ મમતામયી જાણે અન્નપૂર્ણાનો અવતાર રસોડું એનું સતત ધમધમતું. દરેકની પસંદ નાપસંદ ગમા અણગમાથી પરિચિત હોઠે સતત સ્મિત.. હોઠને બદલે આંખોને હાથ બોલતાં વઢ માની ખૂબ ગમતી.. સંયમિત સ્વર ને શબ્દો માનો ઈજારો આરામ કે થાક એના શબ્દકોષની બહાર.. ઘર એને કારણે સ્વર્ગ લાગતું માના હેતાળ સ્પર્શ થાક ચિંતા ભૂલાવતો મા વગરનું જીવન કેવું હોય એ નહોતી ખબર.. માનો વિકલ્પ કદી વિચાર્યો જ નહતો.. ઘર ને ઘરના માટે ઓક્સિજન હતી મા.. સર્વને એની જરુરત પડતી એક દિવસ માની જરુર ઈશ્વરને પડી.. હવે... મા વગર.. એનો વિકલ્પ ક્યાં છે? કાજલ કિરણ પિયુષ શાહ ૧૨/૦૫/૨૦૨૪ *હેપી મધર્સ ડે*
*શ્વાસ* જન્મથી મૃત્યુ સુધી સાથ આપતો આવન જાવન એની જ જીવન ગણાતું.. તો આ શ્વાસ એટલે શું? કેમ ન સમજાયું? આ હવામાંથી પ્રાણવાયુ લઈને, છોડવો એજ તો શ્વાસ કહેવાય... અરે... તમે તો વિજ્ઞાન ભણાવવા બેઠા.. એમ નહીં.. પેલા કોમાના દર્દી પણ શ્વાસ લે અને વેન્ટિલેટર પર રાખેલ વ્યક્તિ પણ પહેલા માનસિક દર્દી પણ.. ચાલો... હું મારી જ વાત કહું... આ શ્વાસ એટલે જીવવા માટે જરૂરી પણ જીવવા માટે હ્રદયમાં સ્નેહના સ્પંદનો, લાગણી અને છલોછલ પ્રેમ.. રક્તની જગ્યાએ જાણે ... કોઈ ખાસનો સ્પર્શ .. રકતમાં ભળી ગયો... અને આ પ્રાણવાયુને બદલે... પ્રિયતમનો વિશ્વાસ... હા! એજ જીવન કોઈના પ્રેમમાં જીવવું એજ તો છે શ્વાસ..© "કાજલ" કિરણ પિયુષ શાહ ૦૨/૦૪/૧૯
ફરે છે. તું જ છે વિશ્વાસ સાથે દ્વાર ખોલી ને ઠરે છે. કેટલી આશા અહીં, ખોટી પડી બોલી ડરે છે. સાવ સ્હેલું કામ સોંપેલું છતાં પૂર્ણ થતું નહિ લોક નિંદા સાંભળીને એ નકામો ત્યાં મરે છે. શ્વાસ લઈને દોડવાનું જિંદગીએ શિખવાડ્યું, ધ્યેય નક્કી છે નિશાની ખાસ મૂકીને ફરે છે. જાણકારી મેળવીને લાભ ઉઠાવ્યો ઘણોયે, જોઈ બરબાદી એ પશ્ચાતાપથી રડતો ભરે છે. આંખ પરથી ઓળખી જાણી ગયા મન, એટલે તો, ભેદ ભંડારી દે ભીતર બોલતાં, આવ્યાં ઘરે છે. આઈનામાં કેશ પરનો રંગ જોઈ ને મનોમન, એ ક્ષણે ત્યાં યાદ પ્રિતમને કરી આહે ભરે છે. કેમ એકલતા ઘણી ડંખી રહીં સમજાય જાતાં, વેદના ત્યાં આપમેળે ગાલ પરથી જો સરે છે.© ગાલગાગા ગાલગાગા ગાલગાગા ગાલગાગા કાજલ કિરણ પિયુષ શાહ ૦૭/૦૩/૨૦૨૪
*પ્રેમયાત્રા* શું કહું હકીકતમાં કઈ કહેવું જરુરી છે? એક મેકના મનની વાતતો વગર કહ્યે સમજાય .. છતાં .... દર વરસે .... કયાંક મનના ખૂણે.. કોઈ ઈચ્છા ... વારંવાર તું મને કહે એ.. અનહદ ગમતું.... આમતો આપણે મળ્યાં ત્યારથી.. રોજ તું કહે અને હું સાંભળું.. રોજ પહેલા કિરણ સાથે આંખ ઉઘડતા..કહું.. રાતના સ્વપ્નોમાં સરી પડતાં પહેલાં.. સ્વપ્નો પણ તારા જ.... ધબકતું આ હ્રદય દર ધબકારે તારું નામ લેતું... આસપાસ સતત તને જ અનુભવું... તો પણ.... આ દિવસ કંઈક વિશેષ લાગતો.. તારું સવાર સવારમાં કંઈક આશ્ચર્ય જનક ... કંઈક નવીનતા સાથે..પૂછવું... શું તું મારી વેલેન્ટાઇન બનીશ? હંમેશા માટે? મારા જવાબ પહેલાં તો ... તું જ કહેતો .. ખબર છે.. તું મારી જ છો.. ઓહ ! આ ખુશી ... તારી સંગાથ, ના! એકમેકને સંગાથ આ પ્રેમયાત્રા નિરંતર આમજ કરતાં રહીએ... તારો આ સવાલ આમજ ગુંજતો રહે..© "Will u be my valentine ...for ever?" "Yes , my love for ever n ever." "કાજલ" કિરણ પિયુષ શાહ
અવધમાં કાર સેવક કામ કરતા જીવ પણ આપ્યા અવધમાં જીત કાયમ સાથ રાઘવ ચાલતી, પગલાં અવધમાં આવકારો પ્રેમથી મળતા ફરી આવ્યા અવધમાં. રામ લક્ષ્મણ સંગ સીતા આજ બિરાજયાં અવધમાં. ભાવ ઓચ્છવ મન ભરી ભક્તો મનાવે છે અયોધ્યા. રામ રાજ્ય આજ સ્થાપિત થાય ત્યાં ફાવ્યાં અવધમાં માત કૌશલ્યા કહો કરવું શું એવું પૂછવાનું? રાજ દશરથની એ આજ્ઞા પાળવા રોકયા અવધમાં. ત્યાગ સુખોનો કરી સ્વાગત દુઃખોનું હસીને, રાજ સોંપ્યું છે ભરત, સંભાળજો રાજા અવધમાં. રાક્ષસોનો અંત લાવી કુળ ઉજાળી બતાવ્યું, રામનો સત્કાર કરતાં કોઈ ના થાક્યા અવધમાં. આવતી તકલીફ હસતાં પાર કરતાં રામ નામે, દીપ પ્રગટાવ્યા કરી છે રોશની મારા અવધમાં.© ગાલગાગા ગાલગાગા ગાલગાગા ગાલગાગા કાજલ કિરણ પિયુષ શાહ ૧૮/૦૧/૨૦૨૪
ને? સ્વપ્નના દ્વાર પર મળેલી ને હાથ સોપી પછી ડરેલી ને? વેલ થૈ વીંટળાઈ રહેતી તું, ફાંસ માની અહીં છળેલી ને, શ્વાસને રોકવા હતા જ્યારે, ત્યાં નશીબે ગયાં અઢેલી ને , એ નગરમાં હતી કદી નાદાન નામના, એજ છે હવેલી ને, હાશ નિરાંત આજ માણી લે, ફોરમે મહેકતી ચમેલી ને. આપ એક નામ તુંજ સૌ સાથે, પ્રેમથી બોલતી એ ઘેલી ને. બાળશે ઠારશે રિવાજોથી, વાત એની પછી એ છેલ્લી ને.© ગાલગા ગાલગા લગા ગાગા/લલગા "કાજલ" કિરણ પિયુષ શાહ
સંઘર્ષ... ફરી એ દર્દનો હુમલો.. પીડા સાથે એક ઉલ્ટી... લાલચટ્ટક જીવનના રંગ જેવી જ.. કનજરથી બચાવતી .. જલ્દીથી પાણી નાખી સ્વસ્થ થવાનો પ્રયાસ... હવે આ તેનો સતત હસતાં રહેવાનો સંઘર્ષ .. આંખ ભીની કરી ગયો... હવે મન ધીરે ધીરે થાકતું હતું.. પીડા ઉંહકારા કરાવી દેતી.. દર્પણ તો પૂરા ઘરમાં કયાંય નજરે ના પડતું.. માથાના કેશની સંખ્યા હવે ગણી શકાય તેટલી એ ધટાદાર વાળતો... છતાં હિંમતથી લડી રહી જાત સાથે.. સતત તોય ઈશ્વરની કસોટી ... પાર જ કયાં આવતો... વારંવારના આ ઉથલા... છેલ્લા દસેક વર્ષથી હંફાવી રહી હતી.. પણ... જીવન જીવવાની લાલસા.. પાછળવાળાની ચિંતા કે હાર ના માનવાનો સ્વભાવ ... શું હતું... કઈ જીજીવિષા ..હતી એ પડતી આખડતી ઊભી થતી... ઈશ્વરને પણ પડકારતી... કદાચ મુક્તિની લાલસા જ સંઘર્ષ કરાવતી..? કાશ! અલવિદા બોલી... આમજ નીકળી શકાય, સર્વસ્વ છોડી...© અલવિદા હા! હવે અલવિદા જ.. "કાજલ" કિરણ પિયુષ શાહ
છો. તમે તો નબાપી નભાઈ કહો છો કબૂલાત કરજો અભાગી ગણો છો? સદાયે નકારી છે હસ્તી અમારી, છતાં આજ આશા ફરીથી કરો છો. ફસાવી મજા માણતાં, ચાલતાં થ્યાં ? ત્યાં સાહસ કરી ને બચાવી શકો છો. વિચારોમાં ગાંધી સદાયે જીવે ત્યાં, ચુકાવી નજર લાંચ ખિસ્સે ભરો છો. કરુણા અને પ્રેમ વરસાવતાં 'તાં, નમાપી ન ભૂલી શકો એ જુઓ છો. નજીવી કરામત થકી ત્યાં હરાવી, ખુસીઓ મનાવી પછી ત્યાં ડરો છો. © લગાગા લગાગા લગાગા લગાગા કાજલ કિરણ પિયુષ શાહ ૨૫/૧૨/૨૦૨૩ ગઝલ ક્રાંતિ
છે ઈચ્છા થકી જીવન ફરીથી લાજવાબ છે. આભાર ઈશ્વરનો કહીં આપ્યું ગુલાબ છે. આભાસી નૈ આપી ખુશી સાચુંકલી અહીં, આંખો ઉઘાડી જો હવે સાચે કે ખ્વાબ છે? મુંઝાય મન કોને કહું સમજાય પણ નહીં, ત્યાં હાથ પકડી બેસ બોલે, શું રુવાબ છે. આકાર સપનાંનો ઘણો મોટો હતો છતાં. કાગળ ઉપર હળવે રહીં મૂક્યું, જવાબ છે? ચહેરો સદા ઢાંકી ફરે , ઓળખ નયન થકી, વાંચી શકો વાંચો તમે હૈયું કીતાબ છે. તારણ અહીં ક્યારે મળે કહેવાય તો નહીં, મોં પર અહીં સૌના નવા સારાં નકાબ છે. હા પ્રેમ છે બોલી જતાવી પણ શકો તમે. શબ્દો ગણી કરશે રજુઆતો હિસાબ છે?© ગાગાલગા લગાલ લગાગા લગાગા લગાલગા કાજલ કિરણ પિયુષ શાહ ૧૨/૧૨/૨૦૨૩
*મને ગમે છે..* હા! મને તું ગમે છે... કારણ નથી ખબર અરે! પણ ગમવાનું તે કઈ કારણ હોય...? ચાલ, વિચારું... તારી આંખોમાં ઘૂઘવતો દરિયો મને એમાં ડૂબવું ગમે.. તારા હોઠે રમતાં ગીતો એ ગીત બનવું ગમે... કાગળ કલમે શબ્દોની સરવાણી એમાં વહેવું ગમે. સૃષ્ટિના એક એક રંગ સાથે તારું તાદાત્મ્ય સૃષ્ટિના રંગ થાવું ગમે દુંખ દર્દ પીડા ભૂલી.. સદા હસતો હસાવતો ખડખડાટ ઘંટડી જેવું હાસ્ય બસ એનું કારણ બનવું ગમે કોયલના ટહૂકા જેવો સ્વર તારો એ સ્વર બનવું ગમે તારા સપનાં મેઘધનુષી એમાં રંગ બનવું ગમે. કેન્વાસ પર તારી પીંછીથી .. તસ્વીર બની ઉતરવું ગમે તારા શ્વાસોની મહેક બની મહેકવું પણ ગમે.. તારી સંગીની બની.. ભવોભવ ઓળખાવું ગમે આ ભવરણે થાકું ત્યારે તારા આલિંગનમાં બંધાવું ગમે તારા સ્મરણોમાં રહી... ચિંરજીવી બનવું ગમે.. તને હૈયે સ્થાપી... હ્રદયમંદિરમાં રાખી... નિત્ય તને પૂજવું ગમે. હા ને ના વચ્ચે ઝોલા ખાતી છતાં મને આ બધા વિના પણ તું મને ગમે છે.. હવે તો બસ... કાજલ મટી હવે હરિપ્રિયા બનું હરિ તારા હર રંગમાં રંગાવું ગમે...© "કાજલ" કિરણ પિયુષ શાહ
Copyright © 2024, Matrubharti Technologies Pvt. Ltd. All Rights Reserved.
Please enable javascript on your browser
