Free Gujarati Motivational Quotes by Dimpal Kapadiya | 111597674

દોસ્તો, આજે હું એક હમણાં તાજી બનેલી ઘટના શેર કરી રહી છું.

હું અને સપના પાંચમા ધોરણથી બારમા ધોરણ સુધી સાથે ભણ્યા.. અમારા બંને વચ્ચે દોસ્તી પણ સારી.. પણ લગ્ન પછી બંને વચ્ચે કોઈ કૉન્ટેક્ટ ન રહ્યો, એનું કારણ સપના ના માથે ખૂબ જવાબદારી.. જોઈન્ટ ફેમિલી અને એના એકલીના માથે જવાબદારી.. દિયર પોતાના લગ્ન પછી જુદો રહેવા ગયો.. દીકરો પણ મોટો થઈને વહુ સાથે બીજા શહેરમાં સૅટ થઈ ગયો.. અલ્ટિમેટલી આની જવાબદારી ક્યારેય ઓછી ન થઈ..

જ્યારે જ્યારે અમે બીજી ફ્રેન્ડ્સ મળીએ ત્યારે એને પણ બોલાવતાં પણ એને કશુંક તો કામ આવી જ જતું અને એ ક્યારેય ન આવી. પછી અમે એને પૂછવાનું બંધ કર્યું.

હવે વાતના મુખ્ય મુદ્દા પર આવું. દસ - બાર દિવસ પહેલાં ખબર આવ્યા કે સપના હવે આ દૂનિયામાં નથી. બે-ત્રણ દિવસ તો મારા આઘાતમાં ગયા, પછી એના જ ફોન પર રીંગ કરી તો જીજાજીએ ઉપાડ્યો અને કહ્યું કે કોરોનાના કારણે તે હવે નથી. થોડી દિલસોજી વ્યક્ત કરી એ દિવસે તો મેં ફોન મુકી દીધો. રૂબરૂ જવાનો તો કોઈ સવાલ નહોતો! ગઈકાલે પાછો ફોન કર્યો કે એના વગર આખું ઘર અટવાઈ પડ્યુ હશે, અને કોઈ કામકાજ હોય તો વાત કરી લઉં.

મારા આશ્ચર્ય વચ્ચે જીજાજીએ કહ્યું, " બેન, હા, એની ખોટ તો સાલે છે, પણ ધીમેધીમે બધું સૅટ થઈ રહ્યું છે. ઘરે રસોઈવાળા બેન રસોઈ બનાવી જાય છે, ઘરકામ કરવાવાળાને થોડા રુપિયા વધુ આપીશ એટલે એ બધું જ કરી દેશે.. મારા મમ્મીનું ધ્યાન રાખવા એક માજી આખો દિવસ આવે છે.. જે એમને દવાઓ પણ આપે અને મમ્મીની સેવા પણ કરે છે. મેં હવે થોડું મારા મિત્રમંડળીમાં જવાનું ચાલું કર્યું છે જેથી મને આખો દિવસ ઘરમાં કંટાળો ન આવે..દીકરો અને વહુ આટલા દિવસ સુધી અહીં જ હતા, કાલે જ ગયાં..!

હવે મારી આંખો સામેથી આટલાં વર્ષો એક ફિલ્મની જેમ પસાર થઈ ગયાં.. સપના પોતાના માટે એક ક્ષણ જીવી નથી શકી.. જીજાજીએ જો આ વસ્તુ પહેલાં કરી હોત તો એ છોકરી થોડું પોતાના માટે જીવી શકીહોત. અને આજે? એના વગર આખું ફેમિલી સેટ થઈ ગયું!

બહેનો,હું તમને જવાબદારીથી દૂર ભાગવાની વાત નથી કરી રહી, પણ એવું પણ માની લેવાની જરૂર નથી કે મારા વગર આખા ઘરની કે ઘરની વ્યક્તિઓની શું હાલત થાય! કોઈકવાર પોતાના માટે જીવવામાં કોઈ ગુનો કે અપરાધ નથી. અને જીવન છે, ત્યાં સુધી થોડું જીવી લેવું, મૃત્યુ પછી બધા લહેર કરવાના જ છે! કોઈવાર દીકરાને કે પતિને આપણા હાથની દાળ નહીં મળે તો એમાં કશું ખાટું - મોળું નહીં થઈ જાય!જયા સુધી બધા ને સાચવશો સારા લાગશો..નહીં હોવ ત્યારે બધા પોતાને સાચવી જ લે છે. આજની મારી માનસિક સ્થિતિ પ્રમાણે લખ્યું છે, કશું ખોટું હોય તો માફી ચાહું છું..

Keyur Parmar Broadway 11 months ago

ખુબ ખુબ સરસ વાત કહી

View More   Gujarati Motivational | Gujarati Stories