મારા ઉંબરે ખરી રહ્યા છે પાન,
થોડો શીત વાયુ વનનો આવે છે.
આજે એક હાથ મારા હાથમાં છે,
પણ.. હું હજી કોઈને યાદ કરું છું.
પ્રેમ ભરી મહેફીલ છે ચારે તરફ,
હુંય ખુશ થવાનો પ્રયાસ કરું છું.
છતાય અંદર એક બંદ ખુણો છે,
કારણ કે હું હજી કોઇને યાદ કરું છું.
એક તારા કાળા નયન જ નહી,
મને તો તું ચારે દિશાઓમાં દેખાય.
કોણ? જેણે મને ઘાયલ કર્યો હતો,
પણ.. હું હજી કોઇને યાદ કરું છું.
મારું હૈયું તેને કદાચ માફ કરશે,
ભાવી માટે મારે પ્રારંભ કરવો છે.
આ પ્રારંભ માટે કોઇક ક્યાંક હશે,
પણ... હું હજી કોઇને યાદ કરું છું.
-રાહુલ ઝાપડા
