પડ્યું પાનું નિભાવવાની વાત છે.

ઉરની ઓષ્ટે ન લાવવાની વાત છે.



મનને મનાવી લઈએ મળેલાંથી,

ન ફાવે તોય ફવડાવવાની વાત છે.



ભૂલી જઈએ અવળા અતીતને,

લાલીમા તમાચે રાખવાની વાત છે.



છોને અંતર હોય આક્રંદ કરતુંને,

મીઠા શબ્દે મલકાવાની વાત છે.



શું ચાલે જ્યાં વિધિની હો વક્રતા,

વિષઘૂંટને ગળે ઊતારવાની વાત છે.



ચૈતન્ય જોષી. ' દીપક ' પોરબંદર.

Gujarati Quotes by Chaitanya Joshi : 111787244

The best sellers write on Matrubharti, do you?

Start Writing Now