આજે તો કૈંક અવસર જેવું લાગે સખી.
મળ્યું એ કૈંક માતબર જેવું લાગે સખી.
સાંપ્રત સજી રહ્યો સાજ આજ નવલા,
પ્રીતમની પડી હો ખબર જેવું લાગે સખી.
પારંગત પ્રેમ પાથરવામાં પિયુના પરિસરે,
ને પ્રીતના નશાની અસર જેવું લાગે સખી.
અતીતનો આનંદ અવતર્યો આજકાલમાં,
ઉપલબ્ધિ કૈંક હો જબ્બર જેવું લાગે સખી.
વાર્ધક્યે વહેણ વહાલનું વહેતું વણખૂટ્યું,
ભળી ગયાં જેમ દૂધ સાકર જેવું લાગે સખી.
- ચૈતન્ય જોષી. " દીપક " પોરબંદર.
