શું લખું તને?
જિંદગી ની ઝળહળ લખું કે,
વિષાદ કેરી કોઈ ક્ષણ લખું.
શ્વાસ લખું કે વિશ્વાસ લખું,
કે મિલનની એક ક્ષણ લખું.
ઉંબરે ઊભી છે જે જવાની,
એ કોઈ વસંત લખું કે પછી,
વિચારોની એક પળ લખું.
છુટા પડ્યા તે કદી ન મળ્યા,
અંતરની એ ઊર્મિ લખું કે,
તારા વગર વિતાવેલી એ,
દરેક ઉત્કટ એવી ક્ષણ લખું.
જિંદગી જીવી ગયાને એ,
એકાદ પાછું સ્મરણ લખું.
સપનાઓના શહેરમાં વીતેલી,
રાત ને પાછી કોઈ પ્રહર લખું.
તું આવને બેસીએ એક સાંજે,
તારા માટે હું એક ગઝલ લખું.
"પ્રાપ્તિ"
1/5/23.
