થોડાક જ સપના મારા વાવ્યા છે,
એની કુંપણ જો ફૂટે તો કહેજો ને.
સુખ દરવાજે દસ્તક દઈ ઉભુ છે,
આ દુઃખ થોડું ખસે તો કહેજો ને.
થોડા સંસ્મરણો સાચવી રાખ્યા છે
એની ધૂળ થોડી ઉડે તો કહેજો ને.
વતનની ધૂળથી માથુ ભરીને બેઠી છું,
એ પોકારે મને તો જરા કહેજો ને.
ભીનાશ થોડી લાગણીની ખોવાઈ છે,
એક માવઠું થઈ જાય તો કહેજો ને.
મૃત્યુના સત્યને લઈને ચાલીએ સતત,
જિંદગી સાદ કરે તો જરા કહેજો ને.
વિશ્વાસની તો નથી રહી ક્યાંયે ખોટ,
શ્વાસ જો થોડાં ખૂટે તો કહેજો ને.
"પ્રાપ્તિ"
17/5/23.