School Life – Har Kisi Ke Liye Nahi Hoti Yaadon Ka Rangmanch
Bahut log kehte hain ke school life sabse haseen hoti hai,
Lekin... kya yeh sabke liye hoti hai?
Kisi ke liye school ek jagah hota hai jahan usse bully kiya jata hai,
Uske looks, uske kapde, uske nature ko lekar usse judge kiya jata hai.
Jahan dosti sirf kaam ke liye hoti hai —
Kaam khatam, dosti khatam... insaan bhi khatam.
Har kisi ke school ke pal rangin nahi hote.
Kuch log school se bas isliye pyaar nahi kar paate,
Kyuki unke paas yaadon ke liye koi memory hi nahi hoti.
Shayariyon mein likha hota hai —
"Jise pinjra samajh ke chhod aaya tha, aaj wahi sabse pyaara lagta hai..."
Lekin kuch logon ke liye,
wo pinjra kabhi wapas na jaana padhe, bas yahi dua hoti hai.
Kabhi kabhi toh teachers bhi —
Ya toh motivate karte hain, ya apne target bana kar itna push kar dete hain
ke school aane ka man hi nahi karta.
Galti kya hoti hai?
Sach bolna, apne aap ko waise pasand karna jaisa hum hain.
Lekin society ke rules ke hisaab se —
“Tum change kyu nahi hoti? Fit in kyu nahi karti?”
Hume dekh kar log hanste hain.
Aur jab baat nahi karni hoti — ignore kar dete hain.
Par hume bhi unse baat karne ki zarurat nahi.
Kisi din...
Koi toh milega jo bina matlab ke dost banega,
Aur izzat se bhi dekhega. 💫
Ye mera pehla blog hai.
Apni feelings likhi hai — jaisi hai waisi.
Aap bhi bataiye... aapki school life kaisi thi?
Kya aap iss blog se relate karte hain
Yaa fir social media ki perfect shayariyon se?
Thank You & Have a Nice Day
