આમ સાવ ખાનગી નથી પણ થોડી અંગત વાત છે
ચોરે ચર્ચાય નહીં,પણ તને કીધા જેવી તો વાત છે
ઠીકથી વિખૂટા પડતા પણ ન આવડ્યું શું કહુ એને હવે?
ખુદને મુજમાં પૂરેપૂરો છોડી ગયો,એનો આ વલોપાત છે
વમળમાંથી માંડ તરીને નિકળ્યો,તો કિનારે એની આંખોમાં ડૂબી ગયો
એક જોશીડે હાથ જોઈ કહ્યું હતું આને માથે ડૂબવાની ઘાત છે
તિમિર સામે ટકટક ન કર,બસ જૂગનુને મનભરીને જોયા કર
અંધકાર ઓગળી જાય અવગણના થી,જેઠા પછી મલકતું પ્રભાત છે
