अख्खा मसुर
अख्खा मसूर कोल्हापूरचा अत्यंत लोकप्रिय प्रकार😊
कोल्हापूर मध्ये याची अनेक हॉटेल आहेत
आता बाकी शहरात पण हा प्रकार फेमस झालाय
अनेक पद्धतीने हा प्रकार बनवला जातो
वेगवेगळे मसाले वापरून... अनेक प्रकारची वाटणे लावुन 😊..
ही माझी पद्धत सोपी चविष्ट आणि चमचमीत 😊😋
साहित्य
एक वाटी मसुर
एक कांदा बारीक चिरून
आले लसुण बारीक करून
एक 🍅 टॉमेटो बारीक चिरून
कोल्हापुरी कांदा लसुण चटणी
(ही कोल्हापुरी मसाल्याची खासियत आहे ❤️)
तिखट मीठ चवीनुसार
कसुरी मेथी
कोथिंबीर
क्रीम.. आवडीनुसार
कृती
प्रथम मसुर कमी पाण्यात शिजवून घ्यावी
मसुरचा आकार सलग अख्खा राहिला पाहिजे
तेलात हिंग मोहरी फोडणी करुन
कांदा छान मऊ आणि गुलाबीसर करून घ्यावा
त्यावर आले लसूण घालून
जरा परतून
त्यावर दोन चमचे तिखट आणि एक चमचा कोल्हापुरी कांदा लसूण चटणी घालावी
थोडे परतून टोमॅटोच्या फोडी घालाव्यात
त्या मऊ झाल्या की शिजलेली मसुर घालून
चवी प्रमाणे मीठ, कसुरी मेथी व बारीक कोथींबीर घालावी
झाकणं ठेवून चांगलीं वाफ आणावी
चमचमीत अख्खा मसूर वर
क्रीम ची सजावट करावी 😊
पोळी भात पराठा यासोबत खावे
