अध्याय ६
--------------
अंतिम लढाई
----------------
डॉ. फिनिक्सला एका जुन्या, गंजाळलेल्या लोखंडी खुर्चीला घट्ट बांधून ठेवले होते. त्यांच्या कपाळाला जोडलेले यंत्र भीषण, जांभळ्या प्रकाशात तळघरातील अंधार भेदत होते, जणू त्यांच्या मेंदूतील प्रत्येक कप्पा उघडत होते. आर्यन, निशा आणि रिया त्यांच्यासमोर उभे होते.
“तु हरला आहेस, फिनिक्स!” आर्यनचा आवाज विजेसारखा तळघरात घुमला. त्याच्या चेहऱ्यावर विजयाचा क्रूर उन्माद होता. “तुझ्या डोक्यातील सर्व ज्ञान, 'क्रोनोस' चा प्रत्येक अल्गोरिदम आणि प्रत्येक गुपित—आता माझे आहे. तु आम्हाला जे क्रेडिट दिले नाही, ते आता मी जगाकडून मिळवणार आहे.”
डॉ. फिनिक्सला त्यांच्या आयुष्यातील सर्वात असह्य, तीव्र वेदना होत होत्या. हॅकिंगमुळे त्यांच्या वैयक्तिक आठवणी (विक्रम, रिया, आणि त्यांच्या आई वडिलांच्या प्रतिमा) त्यांच्या मनातून हिंसकपणे बाहेर फेकल्या जात होत्या. त्यांना त्यांच्या अस्तित्वाचा अर्थ पुसल्यासारखा वाटत होता. त्यांना फक्त एकच गोष्ट करायची होती: 'क्रोनोस' ला सुरक्षित ठेवणे. याच एकमेव जाणिवेमुळे त्यांच्यात प्रतिकार करण्याची शक्ती शिल्लक होती.
त्याच निर्णायक क्षणी, कारखान्याच्या मुख्य गेटवर झालेल्या स्फोटाने तळघर हादरले. मोठा आवाज आणि धुराचा लोट तळघरात पसरला.
"पॅटर्न रेड: गो! डॉ. फिनिक्सला सुरक्षित करा!" कर्नल विक्रम सिंगचा आदेश कमांडोच्या हेडसेटमध्ये घुसला.
विक्रम आणि त्याची प्रशिक्षित, २० कमांडो टीम तळघरात घुसली. काही कमांडो बाहेर मारले गेले होते. तळघर एका क्षणात गोळीबार, स्फोट आणि धुराच्या गदारोळात बदलले.
'द शॅडो' चे गुंड गोंधळून गेले आणि त्यांनी लगेच प्रतिकार सुरू केला.
'द शॅडो' चे गुंड आणि विक्रम चे कमांडो यांच्यात गोळीबार सुरू झाला. विक्रमचे लक्ष्य फक्त डॉ. फिनिक्स होते. तो प्रत्येक अडथळा दूर करत, गोळ्यांच्या वर्षावातून पुढे धावत होता. इकडे गोळीबार सुरू होता.
निशाने विक्रमला पाहिले. तिच्या क्रूर चेहऱ्यावर आता अंतिम खेळीचा निर्णय दिसत होता. "आर्यन, प्रोटोटाइपचा अंतिम टप्पा सुरू कर! त्याला कोड मिळालाच पाहिजे!"
आर्यनने 'क्रोनोस' च्या यंत्राला अंतिम ऊर्जा पुरवली. यंत्रातून एक भयंकर, तीव्र प्रकाश बाहेर पडला आणि डॉ. फिनिक्स यांच्या डोळ्यांतील ज्योत मंदावली. त्यांच्या मेंदूतील विज्ञानाचे आणि 'क्रोनोस' चे तांत्रिक ज्ञान सोडल्यास, बाकी सर्वकाही विसराळूपणाची जाड भिंत उभी करत होते. इतर सर्व वैयक्तिक आठवणी पुसल्या गेल्या.
निशाने रियाकडे पाहिले. "रिया, त्याला अडव!"
रिया, एक भावशून्य कठपुतळी बनून, डॉ. फिनिक्सला पकडून उभी होती. विक्रमने रियाकडे एक क्षण पाहिले, त्याला रियाच्या डोळ्यांतील ती निर्जीव रिक्ता दिसली आणि त्याच्या मनात एक भावनिक वेदना झाली, पण त्याने आपल्या भावनांवर नियंत्रण मिळवले.
विक्रम आणि त्याचे सैनिक गुंडावर गोळीबार करत होते.
'द शॅडो' चे जवळ जवळ सर्व गुंडाना मारले गेले होते. एक दोन गुंड जे काही राहिले होते त्यांनी त्यांचे हत्यार खाली टाकून सरेंडर केले होते. गोळीबार मध्ये कर्नल विक्रम चे काही कमांडो घायाळ झाले होते. कर्नल आणि कमांडो, आर्यन आणि निशाच्या अगदी जवळ पोहोचले. त्यांनी गोळीबार थांबवून आर्यन आणि निशाला घेरले.
"थांबा! हे सर्व संपले आहे!" विक्रमने ओरडले.
निशाने विक्रमकडे पाहिले. तिच्या डोळ्यात क्रूरता आणि हार पत्करण्याची तयारी होती. "तू मला पकडू शकशील, कर्नल," ती हसली. "पण माझा खेळ थांबणार नाही. मी या जगासाठी धोका आहे आणि मी तो कायम ठेवणार आहे!"
निशाने तिच्या हातातील एक छोटीशी बंदूक घेतली. आणि तिने बंदुकीचा डॉ. फिनिक्स वर नेम धरला. डॉ. फिनिक्स त्यांच्यावर झालेल्या मानसिक हल्ल्याने थोडेसे बेशुद्ध अवस्थेत होते. विक्रम ने निशाला थांबवण्याचा शेवटचा प्रयत्न केला.
“निशा! थांब!” कर्नल जोरात ओरडले. “असे करू नकोस !”
पण निशा थांबली नाही. बंदकूच्या गोळीचा तीव्र असा आवाज झाला.
.
.
.
निशा जमिनीवर कोसळली. तिच्या शरीरातून रक्तस्त्राव सुरू झाला आणि तिचा क्रूर, आत्मघाती खेळ त्याच क्षणी संपला.
कर्नल विक्रमने , डॉ. फिनिक्स वर गोळी चालवण्याआधीच निशावर गोळी झाडली. जर कर्नल ने गोळी चालवली नसती तर डॉ. फिनिक्स मेले असते.
निशाचा अंत झाला होता.
निशाच्या हत्येमुळे 'द शॅडो' चे गुंड आणि आर्यन दोघेही गोंधळले. या गोंधळाचा फायदा घेत, विक्रम आणि त्याच्या टीमने लगेच आर्यनला घेरण्याचा प्रयत्न केला.
विक्रमने पटकन पळत जाऊन डॉ. फिनिक्सला खुर्चीवरून खाली काढले आणि कपाळावरील यंत्र तोडले. डॉ. फिनिक्स जागेवर उभे राहिले, पण त्यांची नजर शून्य झाली होती.
"सर, तुम्ही ठीक आहात का?" विक्रमने त्यांना आधार देत विचारले.
डॉ. फिनिक्सने मान हलवली. त्यांच्या आवाजात एक प्रकारचा विलक्षण विसराळूपणा होता. "माझा प्रकल्प... तो कुठे आहे? माझी प्रयोगशाळा... तुम्ही... तुम्ही कोण आहात?"
त्यांच्यावर झालेल्या मानसिक आघातामुळे त्यांची संपूर्ण स्मृती नष्ट झाली होती. त्यांना त्यांचे नाव, त्यांच्या जीवनातील कोणत्याही व्यक्तीची किंवा घटनेची आठवण नव्हती. त्यांच्या मेंदूत आता एक शून्य होते. विक्रमच्या डोळ्यांत अश्रू तरळले. त्यांना फक्त त्यांचे काम आणि 'क्रोनोस' चे वैज्ञानिक महत्त्व आठवत होते, पण त्यांच्या आयुष्यातील वैयक्तिक ओळखी पुसल्या गेल्या होत्या. त्यांच्यावर झालेल्या मानसिक आघातामुळे त्यांची संपूर्ण स्मृती नष्ट झाली होती. त्यांना त्यांचे नाव, त्यांच्या जीवनातील कोणत्याही व्यक्तीची किंवा घटनेची आठवण नव्हती. त्यांच्या मेंदूत आता एक शून्य होते. विक्रमच्या डोळ्यांत अश्रू तरळले.
त्याचवेळी, आर्यनने एक निर्णायक, स्वार्थी क्षण साधला. त्याला अंतिम कोड मिळाला नव्हता, पण त्याला निशाच्या मृत्यूची पर्वा नव्हती. त्याने 'क्रोनोस' चा बनावट प्रोटोटाइप घेतला आणि तळघरातील एका गुप्त दारातून वेगाने पळून गेला.
"आर्यन पळून गेला! प्रोटोटाइप घेऊन गेला!" एका कमांडोने ओरडले. विक्रमने दोन सैनिकांना आर्यनच्या पाठलागावर पाठवले.
विक्रमने रियाकडे पाहिले. ती अजूनही निशाच्या नियंत्रणाखाली होती. कमांडो ने तिला पकडून ठेवले होते. विक्रमने लगेच तिला तपासले आणि तिच्या मानेवरची मायक्रोचिप पाहिली. त्याने ती चिप अत्यंत काळजीपूर्वक बाहेर काढली.
चिप बाहेर येताच, रियाच्या चेहऱ्यावर तीव्र वेदना आणि नंतर एक शांत भाव दिसू लागला. ती लगेच शुद्धीवर आली. तिने डोळे मिचकावले आणि आजूबाजूला पाहिले.
"कर्नल!" रियाने लगेच विक्रमला ओळखले. "मला काय झाले होते? माझ्यावर कोणीतरी नियंत्रण मिळवले होते का... काय झाले? डॉक्टर... कुठे आहे? त्यांची तब्येत ठीक आहे का?" रियाला मागील काही तासांचे कृत्य आठवत नव्हते आणि तिने कोणतीही महत्त्वाची आठवण गमावली नव्हती. ती पूर्णपणे सुरक्षित होती.
"तुम्ही सुरक्षित आहात, रिया. ते महत्त्वाचे आहे," विक्रमने तिला आधार दिला.
डॉ. फिनिक्स यांनी गोंधळलेल्या नजरेने रियाकडे पाहिले. "तुम्ही... तुम्ही सगळे कोण आहात?"
डॉ. फिनिक्स ने सर्व मानसिक शक्तीचा वापर केल्यामुळे एक नुकसान झाले. त्यांच्या मेंदूवर झालेल्या आघातामुळे त्यांना विसराळूपणाची सवय लागली होती, ती आता कायम राहणार होती.
काही वेळाने विक्रमचा पाठलाग करणारी टीम परत आली. "आर्यनला पकडता आले नाही, सर. तो एका गुप्त वाटेने निसटला."
"आर्यन पळून गेला, आणि त्याने ‘क्रोनोस’ चा प्रोटोटाइप घेतला आहे," रियाने म्हटले. "आता तो जगावर राज्य करेल."
"नाही, रिया," विक्रमने शांतपणे, आत्मविश्वासपूर्ण आवाजात म्हटले. त्याने त्याच्या गणवेशाच्या आतून एक छोटेसे, धातूचे पेन ड्राईव्ह बाहेर काढले. आणि डॉ. फिनिक्स कडे पाहत बोलला.
"सर, तुम्ही तुमच्या ज्ञानाचा एक भाग गमावला, पण तुम्ही जगाला वाचवले. मी विश्वासघातकी नव्हतो. मी तुमच्यावर आणि तुमच्या ध्येयावर विश्वास ठेवला. 'क्रोनोस' चा खरा, मूळ कोड आणि डेथस्क्रिप्टचा अंतिम बायपास कोड अजूनही माझ्या हातात सुरक्षित आहे. आर्यनकडे फक्त एक रिक्त (बनावट) प्रोटोटाइप आहे."
डॉ. फिनिक्स यांनी विक्रमकडे पाहिले. त्यांच्या डोळ्यांत विक्रमची वैयक्तिक ओळख नसली, तरी विक्रमच्या निष्ठा आणि प्रामाणिकपणाची भावना त्यांना जाणवली.
"तुम्ही माझ्यावर विश्वास ठेवला," विक्रमने भावनिक होऊन म्हटले. "आणि मी तुमच्यावर."
त्याच वेळी, आर्यन त्याच्या दुसऱ्या ठिकाणी पोहोचला होता. त्या ठिकाणाहून, आर्यनने निराशा आणि संताप व्यक्त करत आपल्या बनावट प्रोटोटाइपवर काम करण्याचा प्रयत्न केला. त्याला कळले की तो फसला आहे. त्याने त्वरीत एका एनक्रिप्टेड फोनवर मेसेज पाठवला:
"आई, आम्ही हरलो आहोत. अंतिम कोड गमावला आहे."
काही क्षणांतच उत्तर आले. तो व्हॉईस मेसेज एका शक्तिशाली, अज्ञात व्यक्तीकडून होता, ज्याचा आवाज निशा आणि आर्यन या दोघांपेक्षाही अधिक ताकदवान आणि शांत होता.
मेसेज: "लवकरच परत या, माझ्या बाळा. कोड गमावला तरी चालेल. तू सुरक्षित असणे महत्त्वाचे आहे. कोड फक्त एक साधन आहे. आपण नवीन आणि अधिक मोठा खेळ सुरू करूया."
आर्यनने मेसेज पाहिला. त्याला माहित होते की त्याचा शेवट झालेला नाही. त्याच्या चेहऱ्यावर एका नवीन धोक्याची भावना दिसली.
विक्रमने डॉ. फिनिक्सकडे पाहिले. "आता काय, डॉक्टर? हे तंत्रज्ञान अजूनही धोकादायक आहे."
डॉ. फिनिक्स ला काहीच आठवत नव्हते, "धोकादायक आहे तर मग... हे नष्ट करायला हवे," डॉ. फिनिक्सने त्यांच्यातील वैज्ञानिक बुद्धीने म्हटले.
"तुम्ही कर्नल आहात ना?, आपण याला कायमचे नष्ट करूया. भविष्याची शक्ती मानवी लोभासमोर एक शाप आहे. माझा त्याग व्यर्थ जाऊ नये."
विक्रमने लगेच पेनड्राईव्हमधील कोडचा वापर करून 'क्रोनोस' च्या मूळ प्रोटोटाइपमधील बॅकअप सिस्टीम कायमची निष्क्रिय केली. डॉ. फिनिक्स आणि विक्रमने मिळून 'क्रोनोस' ला कायमचे नष्ट केले. जगाला वाचवण्यासाठी डॉ. फिनिक्स यांनी त्यांचे सर्वस्व गमावले होते.
'डेथस्क्रिप्ट' भाग २ समाप्त...
-------
निशा मेली आहे, तिचा उपयोग ‘द शॅडो’ ने केला आहे. आर्यन पळून गेला आहे, आणि त्याच्यासोबत ‘क्रोनोस’ चा बनावट प्रोटोटाइप आहे. ‘द शॅडो’ चा प्रमुख कोण आहे, हे अजूनही अज्ञात आहे. आर्यनने 'आई' असा मेसेज कोणाला पाठवला? आणि सर्वात महत्त्वाचे, विक्रम आणि डॉ. फिनिक्स आता काय करणार आहेत? डॉ. फिनिक्स ची गेलेली स्मृतीचे काय होणार? या सर्व प्रश्नांची उत्तरे कथेच्या पुढील भागात मिळतील का?
-----
ही कथा काल्पनिक असून केवळ कथेची गरज म्हणून काही ठिकाणांचा आणि व्यक्तींच्या नावाचा उल्लेख केला आहे. वाचकांनी या गोष्टीची नोंद घ्यावी
