Quotes by Vrishali Gotkhindikar in Bitesapp read free

Vrishali Gotkhindikar posted an update Marathi Poem

कविता

“नाते

तुझे माझे नाते जणु गवताचे पाते
हिरवे हिरवे गार ..
आणी” स्वच्छंदी” फार .!!
तुझे माझे नाते
जणु फुलांचा दरवळ
पसरतो परिमळ चोहीकडे !!
तुझे माझे नाते
कुणा कशाला सांगावे
मनी आपल्याच त्याला अभिमाने मिरवावे
तुझे माझे नाते
फक्त तुझ्या माझ्या साठी
कशाला सांगाव्या जनामध्ये त्यांच्या “गोष्टी “

...........वृषाली ..

17 Views

Vrishali Gotkhindikar posted an update Marathi Blog

4 days ago

🟨पाटवडी

🟨कोल्हापुरात हीला बेसन वडी किंवा थापट वडी किंवा पिठल्याची वडी पण म्हणतात🙂
रेणुका देवीच्या (जी यल्लंमा देवी म्हणून ओळखली जाते)प्रसादात या वडीला अग्र स्थान आहे
शिवाय नेवेद्याच्या पानात
श्राद्धाच्या जेवणात सुध्दा या वडीचे महत्व आहे

🟨साहित्य

बारीक बेसन पीठ दिड वाटी
दोन मोठ्या मिरच्या बारीक ठेचून
मिरची तिखट असावी म्हणजे चव लागते
नाहीत वडी मिळमिळीत होते
कढीलिंब एक डहाळी
भाजलेली खसखस व तीळ
कोथींबीर ओले खोबरे
पंच फोडण.. किंवा फोडणीचे साहित्य
हींग ,हळद

🟨कृती

🟨प्रथम कढईत तेल घालून पंच फोडण ,हिंग ,हळद ,कढीलिंब ,
ठेचलेली मिरची घालून फोडणी करावी
त्यात एक वाटी पाणी घालावे
चवीनुसार मीठ घालावे

🟨पाणी उकळले की गॅस बारीक करुन त्याला हळू हळू डाळींचे पीठ लावावे
गुठळी होऊ देऊ नये

🟨पिठाचा गोळा झाला की झाकण ठेवून पाच मिनीटे शिजवून घ्यावे
एका ताटलीला तेल लावून हे गरम मिश्रण त्यावर थापावे

🟨वरती भाजलेली खसखस व तीळ लावावे
थोडे खोबरे कोथींबीर थापावे

🟨गरम असतानाच आवडीच्या आकारात वड्या कापून घ्याव्या.

🟨तोंडी लावणे म्हणून चांगल्या लागतात
आवडतं असल्यास यात आले लसूण वापरता येते
(पण नैवेद्य करताना काही ठिकाणी लसूण चालत नाहीं )

90 Views

Vrishali Gotkhindikar posted an update Marathi Blog

5 days ago

🩸आजचा रंग लाल.
🩸लाल गाजराचा हलवा

🩸दिल्ली साईड कडून येणाऱ्या या गाजराचा रंग लालभडक असतो
आणि चवीला खुप गोड असतात ही गाजरे

🩸साहित्य
अर्धा किलो गाजरे
दोन वाट्या मिल्क पावडर
दोन मोठे चमचे तूप
दोन वाट्या दुध
साखर अर्धी वाटी
ड्राय फ्रुट ऐच्छिक
काजु बदाम काळे मनुके वगैरे आवडीनुसार

🩸कृती
प्रथम मोठ्या किसणीने गाजरे किसून घ्यावीत
पॅन मधे तूप घालुन कीस टाकावा
मंद आचेवर हलक्या हाताने हलवत रहावे
नावातच "हलवा "असल्यानं मंद आचेवर जितके हलवाल तितका रंग चांगला येईल😊

🩸एकीकडे मिल्क पावडर थोड्या दूधात मिसळून घ्यावी

🩸हा कीस शिजताना झाकण अजिबात ठेवायचे नाही
म्हणजेच रंग चांगला येईल
पाच दहा मिनिटात कीस मऊ होऊ लागेल

🩸आता यात एक वाटी दूध टाकून हलवत ते दुध गाजरात मुरू द्यावें
परत एक कप दूध घालून अशीच कृती करावी

🩸यानंतर अर्धा वाटी साखर घालावी
ही गाजरे मुळात गोड असल्यानं फार साखरेची गरज नसते
साखर घातल्यावर थोडे पाणी सुटेल
थोडा वेळ हलवून
दुधात मिक्स केलेले मिल्क पावडरचे मिश्रण घालावे

🩸यानंतर आपल्या आवडीचे ड्राय फ्रुट घालून एकसारखे करून घ्यावे
मिश्रण हळूहळू घट्ट होईल

🩸पाचच मिनिटात हलवा तयार होईल
सजावट करून खायला घ्यावा

टीप...संपुर्ण कृतीत कधीही पॅन वर झाकणं ठेवू नये😊😊

86 Views

Vrishali Gotkhindikar posted an update Marathi Poem

5 days ago

..*..ती *..

.......जेव्हा माझा निरोप घेते ती संध्याकाळी ....
.....ओठाने म्हणते .मला ती .."बाय ..बाय '...!!
....माझ्या मात्र काळजात ...
.होत असत ....हाय ..!!.....हाय ..!!
.रस्त्याच्या ..त्या ..कडेपर्यंत ..
..मी तिची ऐटबाज "चाल "..निरखत राहतो !
"..आता भेटेल उद्या ती पुन्हा .."...
असे .."नाराज " मनाला समजावत ..रहातो ..!!
..फिरून .पुन्हा एकदा ..ती "एक नजर "..माझ्यावर टाकते ..
..तिला माहित असते ..कि "माझी नजर '..तिलाच पहात असते ..!!
..वळणावर ..वळताना ..मात्र ..ती "एक मोहक "..हास्याचा तुकडा ..
,,फेकते ..माझ्याकडे ..!!
..आणी ..मग पुन्हा ..होतात .माझ्या हृदयाचे ."तुकडे ...तुकडे ..!!!.....
.......................................................*वृषाली ***

21 Views

Vrishali Gotkhindikar posted an update Marathi Blog

6 days ago

🌰बीट टिक्की 🌰

🌰साहित्य
एक मोठे बीट
एक मोठा बटाटा
तिखट, मीठ ,गरम मसाला, लिंबूरस ,तीळ ,जिरे ,बडीशेप ,कसूरी मेथी ,कोथिंबीर , बारीक चिरलेलेआले लसूण तुकडे ,कसूरी मेथी
चार मोठे चमचे पोह्यांची पावडर
कॉर्नफ्लोअर दोन चमचे
काजु

🌰कृती
बीट व बटाटा धुवून साले काढून मोठे तुकडे करा
कुकर मध्ये भांड्यात पाणी न घालता उकडून घ्या
(बीटला मुळात भरपुर पाणी असते त्यामूळे पाणी अजिबात घालू नये)
जास्त शिट्ट्या नकोत
फक्तं दोन शिट्ट्या झाल्या की पुरे होतात
वाफेवर जितके शिजते तितकेच शिजवा
फार लगदा होता कामा नये
(जास्त शिजले तर त्याला जास्त पाणी सुटते )

🌰गार झाल्यावर बाहेर काढून बीट व बटाटा दोन्हीं मोठ्या किसणीवर किसून घ्यावे व
हाताने चांगले एकत्र करावे
या मिश्रणात तिखट, मीठ, गरम मसाला, लिंबूरस तीळ, जिरे बडीशेप ,कसूरी मेथी, कोथिंबीर , आले लसूण घालावे
व चार चमचे बारीक केलेले पोहे(कांदे पोह्याचे पोहे मिक्सर वर बारीक करावे) घालावे
ही पावडर बीटचे पाणी शोषून घेते व मिश्रण कोरडे होते
व टिक्की करण्यासाठी चांगले एकजीव होते

🌰या मिश्रणाची आता गोल आकारात टिक्की तयार करून वर एखादा काजु लावावा
ही तयार टिक्की सेट होण्यासाठी तास भर फ्रीज मध्ये ठेवावी
एका मोठ्या वाटीत कॉर्नफ्लोअर घेऊन त्यात थोडे मीठ व पाणी घालून थोडे पातळसर मिश्रण करावे

🌰तासाभराने एका पसरट पॅन मध्ये तेल घालून
ही टिक्की कॉर्नफ्लोअर मध्ये बुडवून दोन्हीं बाजूंनी चांगली खरपुस तळून घ्यावी

🌰टीप
बीट शिजवताना अजिबात पाणी न घातल्याने पोहे पावडर कमी लागते
व बीट ची एक विशिष्ट चव अबाधित राहते

97 Views

Vrishali Gotkhindikar posted an update Hindi Poem

6 days ago

तूने मुझे बुलाया

45 Views

1 others like this post.

Vrishali Gotkhindikar posted an update Marathi Blog

1 week ago

पडवळ पुराण
खरे तर पडवळ ही फार कमी लोकांची आवडती भाजी
माझ्या बाबतीत बोलायचे झाले तर ही भाजी मी लग्ना आधी कधीच खाल्ली नव्हती

🫒माझ्या माहेरी वडलांना आवडत नसल्याने पडवळ कधीच आणले गेले नाही .
सासरी मात्र पडवळ आणि इतर वेली फळभाज्या ,जसे की दोडका ,कारली ,दुधी भोपळा ,तोंडली या अहोंच्या अतिशय आवडत्या भाज्या ..😊

🫒माझ्या सासूबाई अतिशय सुगरण होत्या
त्यांच्या हातचे पडवळा चे अनेक पदार्थ खाऊन मला ही हळू हळू पडवळ आवडू लागले .आणि मीही त्यांच्या कडून वेगवेगळे पदार्थ शिकुन घेतले
पडवळाची भाजी मनापासून आवडते असं म्हणणारा खवय्या मिळणे कठीण आहे
असे बरेच जण म्हणतात
पण आमच्या अहोंच्या रुपात मी तो अनुभव घेतला आहे ..अगदी रोज पडवळ असले तरी चालेल असे ते म्हणतात .

🫒 पडवळाचे औषधी उपयोग बरेच आहेत.
चवीला गोड व थंड असल्याने पडवळ आपल्या शरीरातील तिन्ही दोष कमी करण्यास मदत करतो.
शरीरातली विषारी द्रव्यं बाहेर टाकण्यास मदत करणारं एक नैसर्गिक अ‍ॅन्टिबायोटिक म्हणून पडवळ ओळखलं जातं.
पडवळात पुरेशी पोषक द्रव्यं असून ते शरीराची उष्णता कमी करतं, वजन कमी करायला मदत करतं आणि हृदयाचं टॉनिक म्हणून काम करतं.
उन्हाळ्यात तर पडवळ भरपूर खाण्यात असावे

🫒पडवळ आवडणारे लोक तसे कदाचित कमी आढळतील
पण ज्यांना आवडते त्यांना अतिशय आवडते.
आमच्याकडे अशीच कथा आहे
पडवळ आणले की एकाच दिवशी सगळे प्रकार केले जातात

🫒असेच काही खास प्रकार
पडवळ प्रेमी लोका साठी देत आहे

🫒पडवळ साधी भाजी

पडवळ चिरून त्याचे लहान तुकडे करून घ्यावे
पॅन मधे फोडणीत
मोहरी
हिंग घालून हे पडवळ तूकडे घालून
झाकण ठेवावे
पाच मिनिटानंतर परत थोड हलवून
फोडी बुडतील इतके पाणी घालावे
व परत झाकणं ठेवावे
पाच मिनिटात पडवळ शिजते व त्यातले पाणि थोडे कमी होते
यानंतर तिखट, मीठ, हळद , दाण्याचे कूट काळा मसाला, गूळ घालून चांगले मिसळून घ्यावे
वरती कोथींबीर, ओले खोबरे घालावे

🫒पडवळ भरीत

पडवळ चिरून थोडे लहानलहान तुकडे करून घ्यावेत
तुकडे बुडतील इतके पाणी पातेल्यात घालून
झाकणं ठेवून शिजवून घ्यावे
पाच ते सात मिनिटात पडवळ शिजते
बोटाने चेपून पडवळ शिजले का पहावे
लागलें तर थोडे पाणी घालावे
हे शिजलेले पडवळ गार झाल्यावर
थोडे कुस्करुन घ्यावे
त्यात मीठ ,साखर, दाणे कुट ,कोथिंबीर ,खोवलेले खोबरे दही घालून मिसळावे
छोट्या कढईत तेल घालून
मोहरी,हिंग, हळद, मिरच्या तूकडे याची फोडणी करून पडवळ फोडी वर ओतावी
भरीत चांगले कालवून घ्यावे

🫒पडवळ रिंग भजी

बटाट्याच्या भज्या सारखे पीठ भिजवून पडवळ गोल आकारात रिंग प्रमाणे कापून घेणे व भजी करणे ,सदर भजी मेदू वड्याप्रमाणे दिसतात

🫒पडवळ पीठ पेरून भाजी
पडवळ बारीक तुकडे करून फोडणीत वाफवणे लागल्यास शिजण्या साठी थोडे पाणी वापरणे .शिजले की हळद तिखट मीठ घालून त्यास थोडे भरड डाळीचे पीठ अथवा भाजणी पीठ लावणे व एक वाफ आणून कोथिंबीर खोबर यांनी सजवावे .

🫒पडवळ डाळ भाजी
यासाठी मुग अथवा हरबरा याची भिजवलेली डाळ घ्यावी .
प्रथम फोडणीत हिरवी मिरची घालून ही डाळ परतून थोडी वाफवणे
नंतर चिरलेले पडवळ घालून थोडे पाणी घालून शिजवणे व गोडा मसाला ,गुळ आमसूल मीठ हळद घालून एका वाफे नंतर खाली काढणे व कोथिंबीर खोबरे घालणे .

🫒वाल पडवळ भाजी
यासाठी मोड आलेले वाल घ्यावे
हे खुप चविष्ट असतात
प्रथम फोडणीत वाल थोडे वाफवून मग पडवळ तुकडे घालणे व शिजवणे
खोवलेला नारळ अथवा नारळाचे दूध घालावे
काळा गोडा अथवा आपल्या आवडीचा मसाला शेवटी घालावा व गुळ,तिखट ,आमसूल ,हळद ,मीठ , कढीलिंब घालून
झाकण ठेवून वाफवणे .

🫒 भरली पडवळ भाजी
पडवळ एक इंच तुकडे करणे
मधल्या बिया काढून त्यात खोबरे कोथिंबीर ,गरम मसाला तिखट मीठ असे सारण अथवा उकडलेला बटाटा मसाला मीठ असे सारण करून या डमरू सारख्या भरून घेणे ,यानंतर त्याच्या दोन्ही बाजू कोर्न फ्लोवेर अथवा ओल्या मैदा पीठाने बंद करणे
व या खालच्या बाजू एका तव्यात फ्राय करणे म्हणजे सारण बाहेर येत नाही
यानंतर याच तव्यात फोडणी करून हे पडवळ रोल ठेवणे आणि कमी पाण्यात वाफेवर कोरडे शिजवणे
अथवा पाणी घालून खोबर्याचे वाटणलावून रस्सा भाजी करणे

🫒पडवळ कढी
साजूक तुपाच्या फोडणीत जिरे हिग मिरची कढीपत्ता घालून पडवळ चे छोटे तुकडे वाफवून घ्यावे व त्यावर ताक फोडणीला टाकून नेहेमी प्रमाणे कढी करावी

🫒पडवळ बियांची चटणी
पडवळ बिया काढून थोड्या तेलात हिरवी मिरची सोबत वाफवाव्या
बियांचा रंग बदलला की खाली काढावे
प्रकार एक
या बिया ,दाणे कुट,चिंच ,गुळ,कोथिंबीर जिरे घालून चटणी करावी
प्रकार दोन
या बिया, खोबरे ,कोथिंबीर, साखर ,मीठ, घालून चटणी करावी वरून लिंबू पिळावे
व हिंग मोहरी हलकी हळद कढीपत्ता तुकडे घालून फोडणी द्यावी
मस्त होते ही चटणी
परोठा पोळी सँडविच साठी अती उत्तम

🫒इति पडवळ पुराण सुफळ संपन्न 😋�

106 Views

Vrishali Gotkhindikar posted an update Marathi Poem

1 week ago

त्याचे प्रेम ..

त्याला जेव्हापासून ती भेटलेली असते ..
त्याचे मन जणू कापसासारखे ‘तरल”झालेलं असते !!
“तीचे बोलणे “..तीचे हसणे “..
त्याची नुसती “उलघाल “होत असते
मनातले हे “वादळ “तीला कसे सांगावे
हे मात्र त्याला उमगत नसते .!
स्थळ ..काळ ..वयाचे बंधन असते जरी .
त्याला मात्र वाटत असते ती त्याच्या स्वप्नातली “परी “.
तशी ती ही असते रुप गुणाची “खाण”.
त्याला मात्र असते फक्त तिच्या “अस्तित्वाचे “भान ..
“आताच का हे “प्रेम “व्हावे .
हे त्याचे त्याला ही कळत नसते ..
तिचा “सहवास “अप्राप्य आहे
हे कळते ..पण वळत नसते ..
आता पुढे काय होईल ...काय मनात देवाच्या
त्याला मात्र तिची ..साथ द्यायचीय “अंतापर्यंत जगाच्या .

वृषाली**

24 Views

Vrishali Gotkhindikar posted an update Marathi Blog

1 week ago

💨ओट्स प्रोटीन डोसा

💨साहित्य
मसुर ,तूर ,उडीद ,मूग ,हिरवे मूग
या सर्व डाळी एक मोठी वाटी भरून
ओट्स एक मध्यम वाटी
जिरे
कोथिंबीर
गाजर कीस
चीज
मीठ
मिरची दोन ते तीन
आले दोन तिन तुकडे

💨कृती
आदल्या दिवशी रात्री सर्व डाळी भिजत टाका
सकाळी एक वाटी ओट्स
पंधरा ते वीस मिनिटे भिजवा
सर्व डाळी आणि भिजलेले ओट्स मिरची आले घालून वाटून घ्या
सात ते आठ तासात पीठ फुगून येते
डोसा करताना थोडे मीठ व जिरे घालून पीठ फेसून घेणे
गरम तव्यावर मध्यम आचेवर डोसा घालणे
कडेला तेल सोडून घेणे
डोसा कुरकुरीत झाल्यावर
डोश्यावर गाजर कीस, चीज कीस व कोथिंबीर घालून त्याची घडी घालावी

💨खुप चविष्ट व पौष्टिक डोसा तयार होतो 😋

114 Views

Vrishali Gotkhindikar posted an update Marathi Blog

1 week ago

#लाडूचलाडू
साधे सोपे मुगाचे लाडू
श्री गणेशाच्या आरती साठी
सकाळ संध्याकाळ वेगळा प्रसाद आपण करीत असतो
छोट्या आकारात हे लाडू प्रसाद म्हणुन करता येतात
हे लाडू अक्षरशः दहा ते पंधरा मिनिटात होतात
शिवाय पाक वगैरेची गरज नसते

एक वाटी मूग डाळ
पाऊण वाटी गुळ
तीन चमचे साजुक तूप

प्रथम मुगाची डाळ कोरडीच खमंग भाजून घेणे
फार लाल करायची नाही
फक्त भाजलेला वास यायला हवा
आता ती थोडी थंड होऊ द्या
थंड झाल्यावर ही डाळ आपल्या मिक्सर मध्ये बारीक करून घ्या
कढईत एक चमचा तूप घालून हे डाळीचे पीठ भाजुन घ्या
आता पुन्हा हे पीठ गार होण्यासाठी ताटलीत काढा
कढईत उरलेले दोन चमचे तूप घाला
तूप वितळले की त्यात पाऊण वाटी चिरलेला गूळ घाला
या मिश्रणाला शिजून बुडबुडे येताच ताबडतोब कढई खाली उतरवून मुगाचे भाजलेले पीठ घाला
व चांगलें एकजीव करा
गरम असतानाच लाडू वळा
वळताना लाडू मऊ वाटतात
थंड झाले की हे लाडू घट्ट होतात
मुगाचे पीठ मुळातच स्वादिष्ट असतें
मुगाचा मूळचा स्वाद राखण्यासाठी
यात वेलदोडे घालणे किंवा काजु बदाम सजावट याची गरज पडत नाही
तरीपण आवडत असल्यास जरूर घाला

110 Views

Quotes by Vrishali Gotkhindikar in Bitesapp read free

Vrishali Gotkhindikar

Vrishali Gotkhindikar posted an update Marathi Poem

Vrishali Gotkhindikar posted an update Marathi Blog

Vrishali Gotkhindikar posted an update Marathi Blog

Vrishali Gotkhindikar posted an update Marathi Poem

Vrishali Gotkhindikar posted an update Marathi Blog

Vrishali Gotkhindikar posted an update Hindi Poem

Vrishali Gotkhindikar posted an update Marathi Blog

Vrishali Gotkhindikar posted an update Marathi Poem

Vrishali Gotkhindikar posted an update Marathi Blog

Vrishali Gotkhindikar posted an update Marathi Blog

Follow Us On:

Download Our App :