Quotes by Settipalli Ruchitha in Bitesapp read free

Settipalli Ruchitha

@settipalliruchitha655424

Quotes (2)

Settipalli Ruchitha posted an update Telugu Motivational

కలల గమ్యం

ప్రతి మనిషికీ కల ఉంటుంది... కానీ ఆ కల కోసం పోరాడే ధైర్యం కొందరికే ఉంటుంది.

#కలలు ...

నీ కల... కలగానే మిగిలిపోయిందా? లేక నీ జీవితాన్ని విజయగాథగా మలిచిందా?

నిన్ను చిన్నచూపు చూసిన ప్రతి మనిషి, ఒక రోజు నీ విజయాన్ని చూసి చప్పట్లు కొట్టాలంటే... నీ చేతిలో ఉండాల్సిన అత్యంత శక్తివంతమైన ఆయుధం నీ కల.

నిన్ను కంటిపాపలా కాపాడే నీ తల్లిదండ్రుల కళ్లలో గర్వం నింపే కలను కనాలి.

నీ హృదయం కలలతో నిండిపోవాలి. అవి చిన్న సెలయేరులా కాదు... అంతులేని మహాసముద్రపు అలల్లా నిరంతరం ఉప్పొంగాలి.

ఈరోజు మృదువైన చిరుగాలిలా కనిపిస్తున్న నీ కల... రేపు కొండలను సైతం కదిలించే ప్రళయ గాలిగా మారాలి.

అస్తమయం భయపెడుతున్న సూర్యుడిలా నీ కల ఎప్పటికీ చీకటిలో కలిసిపోకూడదు. ప్రతి ఉదయం కొత్త సూర్యోదయంలా ప్రపంచాన్ని వెలిగించాలి.

ఆకలితో ఎదురుచూస్తున్న నీ విజయానికి... నీ కలే అన్నం కావాలి. అనుమతి లేకుండానే తలుపు తట్టే ఓటమిని జయించి, నీ జీవితంపై విజయ వెన్నెలను కురిపించాలి.

నీ కల వైపు వేసే ప్రతి అడుగు... అమరుల ప్రయాణంలా అచంచలంగా సాగాలి. నువ్వు చిందించిన ప్రతి చెమట బొట్టు... నీ విజయ కిరీటంలో ఒక మణిగా మారాలి.

భయం నీ బలహీనత కాదు... అదే నీ బలంగా మారాలి. నీ కలలను సమాధి చేయకుండా, రాజసింహాసనం వరకు తీసుకెళ్లే శక్తిగా నిలవాలి.

నీ నరనరాల్లో... నీ ప్రతి శ్వాసలో... ప్రతి ఆలోచనలో... ప్రతి చూపులో... ఆ కలను సాధించాలనే తపన, పట్టుదల, అగ్ని కనిపించాలి.

గుర్తుంచుకో...

కలలు కనేవాళ్లు ఎంతో మంది ఉంటారు... కానీ ఆ కలల కోసం నిద్రను, సుఖాన్ని, భయాన్ని త్యాగం చేసే వారే చరిత్ర సృష్టిస్తారు.

కాబట్టి... కలలు కనకు... కలలనే జీవించు.

నీ విజయం కోసం ప్రపంచం ఎదురు చూసే రోజు... దూరంలో లేదు.

#కలలు #విజయం #ప్రేరణ #జీవితం #పట్టుదల #స్వప్నం #లక్ష్యం #గెలుపు

10 Views

Settipalli Ruchitha posted an update Telugu Poem

6 months ago

ఆలోచనల తుఫాను

నా హృదయం, నా ప్రాణం, ఆలోచనల యుద్ధంలో…

నా ఆలోచనలు నన్ను గెలవాలని ప్రయత్నిస్తున్నాయి… ఈ క్షణంలో నా మనసు, నా ప్రాణం నా నియంత్రణలో లేవు… మీకూ ఇలా జరిగిందా?

బదులు తోచని ఆలోచనల తాకిడిలో నా మనసు అలసిపోయింది…
ఈ ఆలోచనల్లో బాధ తప్ప ఆనందం కనిపించడం లేదు.
తలిస్తే కోపం, మరిస్తే ప్రశాంతత.

ఈ అంతుచిక్కని సముద్రం లాంటి ఆలోచనల్లో మునిగిపోవాలా?
లేదా చిన్న చెక్క ముక్కలా తేలుతూ అందునుండి బయటపడాలా?

ఎంత పో పో అని తోసినా,
ఈ ఆలోచనలు నా మెదడును పొగలా అలుముకోవడమే కాకుండా,
నిద్రపోతున్న నా హృదయాన్ని కూడా లాగుతున్నాయి.

నాకు - నా ఆలోచనలకు జరుగుతున్న ఈ పోరాటంలో గెలిచిన ఆలోచనలు, ఇప్పుడు నా దేహాన్ని పూర్తిగా ఆక్రమించాయి.

నా వెంట అడుగులు వేసే నా నీడే
నా బాటని తన బాటగా మార్చుకుంటూ,
నాలోని చీకటిగా మారి,
నాతోనే తిరుగుతూ,
నన్నే ఓడించి - నా ఆక్రోశాన్ని మరింత పెంచుతోంది.

ఈ క్షణంలో,
నా లోపల ఒక మౌన యుద్ధం చెలరేగుతున్నట్టుగా అనిపిస్తోంది.

చురకత్తిలా నన్నే చూస్తూ,
చనిపోయిన నా ప్రాణాన్ని మళ్లీ మళ్లీ పొడిచి చంపే ఆలోచనలు…

వీటిని వదిలేయాలని నా మనసు ఎంత వేడుకున్నా,
గూడు దాటని పక్షిలా ఈ ఆలోచనలు నన్ను విడిచిపెట్టడం లేదు.

ఈ ఆలోచనల కారాగారంలో ఖైదీ అయిన నేను…
ఇప్పటికీ విముక్తి కోసం పోరాడుతూనే ఉన్నాను.

#ఆలోచనలు #మనసు #జీవితం #భావాలు #ప్రేరణ

1 others like this post.

Please enable javascript on your browser

Quotes by Settipalli Ruchitha in Bitesapp read free

Settipalli Ruchitha

Settipalli Ruchitha posted an update Telugu Motivational

Settipalli Ruchitha posted an update Telugu Poem

Follow Us On:

Download Our App :