કાનુડા વિચારજે ફરી અવતરતા,
કે નખરા તારા હવે પોષાય એમ નથી,
કોખ તો મળી જશે અવતરવા,
હીંચકા હાલરડાંના મેળ થાય એમ નથી,
અમુલ માં કરાવી આપીશ ઓળખાણ,
માખણ ના મટકા ઘરે માંય એમ નથી,
જોગર્સ પાર્ક ઘર ની પાસે જ છે,
વૃંદાવન ની ટીકીટ મળે એમ નથી,
લઈ મોબાઈલ ને પહોંચી જજે ત્યાં,
વાંસળી તો ક્યાંય જડે એમ નથી,
ગોપીઓ તો હજુ પણ મળે છે હજાર,
રાધાની ભાળ હવે મળે એમ નથી,
રાસલીલા કર તો tiktok માં મુકજે,
પછી કહેતો નહી like મળતા નથી,
કંસ કોઈ માર તો ધ્યાન રાખજે,
સાચા ને જામીન જલ્દી મળે એમ નથી,
નાગદમન તો વિચારતો જ નહીં,
એનીમલ રાઈટ્સ તું જાણતો નથી,
મોર ના પીંછા હવે ક્યાં ભરાવીશ,
વેશભૂષા આવી કોઈને ગમે એમ નથી,
જીન્સ તો ફાવશે ને વિચારી લેજે,
નાઈટપાર્ટી માં ધોતીયા ચાલતા નથી,
ગીતાનો ઉપદેશ કોને તું આપીશ,
અર્જુન જેટલો કોઈ પાસે ટાઈમ નથી,
one sided love થી ચેતીને ચાલજે,
કોઈ મીરા હવે ઝેર પીવે એમ નથી,
આધાર કાર્ડ તો બનાવવું જ પડશે,
આમ હજાર નામ હવે ચાલતા નથી,
website નો તો ખર્ચો છે જ તારે,
તને મંદિરમાં કોઈ search કરતું નથી,
selfie લેતા તો ભૂલ્યા વિના શીખજે,
આ જૂના pose હવે ચાલે એમ નથી,
કાનુડા વિચારજે ફરી અવતરતા,
કે નખરા તારા હવે પોષાય એમ નથી.

Gujarati Thought by Ravi Purohit : 111139468
Parmar Bhavesh 6 years ago

મિત્ર આ કવિતા મારી બેનની છે, જલ્દી હટાવો નહીતો હું રિપોર્ટ કરી તમારું એકાઉન્ટ બ્લોક કરાવીશ

The best sellers write on Matrubharti, do you?

Start Writing Now