ચાલને આજ તો બસ ચાલતા જઈએ,
જે મળે એ બધાને વાંચતા જઈએ.

એ અકસ્માતમાં રસ્તાને વાગ્યું છે,
ચાલ એની ખબર પણ કાઢતા જઈએ.

ઝાડવાં તો ધરા પર ખૂબ રોપ્યાં છે,
લે હવે વ્હાલ થોડું વાવતા જઈએ.

સાવ સુના રણે તો કાનમાં કીધું ,
કો'ક દિન આ તરફ પણ આવતા જઈએ.

જિંદગીના ઉનાળે કામ લાગે ભૈ,
છાંયડાઓને ગજવે રાખતા જઈએ.

આખરે તો પનારો છે જ છે કુદરત,
કયાં સુધી આમ દર દર ભાગતા જઈએ?

-'શિલ્પી' બુરેઠા (કચ્છ)
'ગઝલવિશ્વ' 2015

Gujarati Poem by Rinku Panchal : 111190352

The best sellers write on Matrubharti, do you?

Start Writing Now