H@B
લોકડાઉન દરમ્યાન ઘરમાં જ રહેવાનું બહુ આકરું લાગતું હોય તો નેલશન મંડેલાને યાદ કરજો.
દક્ષિણ આફ્રિકાની સ્વતંત્રતા માટે લડત આપતા નેલશન મંડેલાની ધડપકડ કરીને એને રુબેન ટાપુ પર બંધીવાન બનાવેલા. આ ટાપુ પર એક સાવ નાનકડી રૂમમાં એમને રાખવામાં આવેલા જેમાં સુવા માટે પથારીની પણ વ્યવસ્થા નહોતી.
નેલશન મંડેલાને આ કેદ દરમ્યાન દર 6 મહિને માત્ર એકવખત એક પત્ર લખવા દેવામાં આવતો અને બહારની વ્યક્તિએ મોકલેલો એક પત્ર એને વાંચવા આપવામાં આવતો. 6 મહિનામાં માત્ર એક જ પત્ર લખી શકતા અને એક જ પત્ર વાંચી શકતા.
કોઈ નેલશન મંડેલાને મળવા માટે આવે તો મળવાની મનાઈ હતી. વર્ષમાં માત્ર એક વખત અને એ પણ ફક્ત 30 મિનિટ માટે મળવા દેવાની છૂટ મળતી. આવી પરિસ્થિતિમાં નેલશન મંડેલા એ રુબેન ટાપુ પર કેટલો સમય જેલવાસ ભોગવ્યો છે એ જાણો છો ? પૂરા 18 વર્ષ. ત્યાર બાદ બીજા 9 વર્ષ એને એક ઘરમાં કેદ કરીને રાખવામાં આવ્યા હતા.
આમ નેલશન મંડેલા પોતાના દેશની સ્વતંત્રતા માટે 27 વર્ષ કેદ રહ્યા.
નેલશન મંડેલાને કોઈ સુવિધા નહોતી મળતી અને એકલા રહેવાનું હતું છતાં દેશ માટે 9800 દિવસ કરતા વધુ સમય કાઢ્યો. આપણી પાસે તો ટીવી, ઈન્ટરનેટ, મોબાઈલ અને એ બધાથી વિશેષ આપણો પરિવાર આપણી સાથે છે તો શું આપણે આપણી જાત માટે, આપણા પરિવાર માટે અને આપણા દેશ માટે જરૂર પડે તો થોડા વધુ દિવસો ઘરમાં ના રહી શકીએ ?
લોકડાઉન આકરું લાગે ત્યારે નેલશન મંડેલાનો આ ફોટો જોજો અને એના લોકડાઉનને યાદ કરજો.
તકલીફ પોતાની સાથે સ્મિત લઈને પણ આવતી હોય છે.
