Free Gujarati Poem Quotes by Parul | 111709270

જિંદગીમાં બધું જ વ્યવસ્થિત ચાલતું હતું,
પણ અચાનક જ અવ્યવસ્થિત થઈ ગયું.

જીવન આ વિતાવવું જે સહેલું લાગતું હતું,
અરેરે! હવે ઘણું જ અઘરું થઈ પડ્યું.

ન ધારેલી ઘટના બનવાનું દુઃખ અસહ્ય હતું,
મન મારું ગહન આઘાતમાં સરી ગયું.

કોરોના નામનાં રાક્ષસનું સામ્રાજ્ય એવું હતું,
જેમાં ખાસ સ્વજનોને ગુમાવવું પડ્યું.

માતા અને મોટીબેનનાં સંગાથનું જે છત્ર હતું,
એ અમૂલ્ય છત્ર માથા પરથી ઉડી ગયું.

ઈશ્વર સામે ફરિયાદ ભરેલું મોઢું ખુલ્યું હતું,
આંખોમાં આંસુઓની ધારનું રાજ થયું.

દિલનાં ખૂણેખૂણામાં ઉદાસીનું થર ઘેરાયું હતું,
યાદોનાં વમળમાં મન અટવાતું રહી ગયું.

એવું તે ખાલીપાનું સરનામું ભટકાઈ ગયું હતું,
કદીય ન ભરાય એવી ખોટનું નુકસાન મળ્યું.