ક્યાં જતી રહી મમ્મી તું, મને આમ મૂકીને?
ક્યારેય કહેવું પડ્યું નથી તને કે મને શું થયું છે!
જોઈને ચહેરો મારો સમજી જતી બધુંય,
સાથ આપ્યો અને સાચી સલાહ આપી સદાય!
સ્વીકાર્યા મારાં તમામ મિત્રો અને સખીઓને,
આવકાર્યાં તેમને સદાય હસતાં મોંએ,
ક્યારેય ન કર્યો શક તેં મારા પર,
આથી જ છું આજે પણ શુદ્ધતાથી ભરેલ મૈત્રી સાથે!
હતી ઘણી જરુર મને તારી હજુ તો,
શા માટે જતી રહી આટલી જલદી છોડીને મને?
કોને કહીશ હું 'Happy Mother's Day'?
કોઈ ન લઈ શકે તારું સ્થાન ક્યારેય!
હતી મારી ખાસ સખી તું,
ચર્ચા કરી શકતી બધી જાતની જેની સાથે હું!
મોકલું છું સંદેશાઓ હું તને દરરોજ,
ક્યાં છે તું એ તો ખબર નથી મને,
મોકલું આ સંદેશાઓ તારી યાદોના સરનામે...
પ્રાર્થના ઓ ઈશ્વર તને રાખજે ખુશ એ આત્માને,
આવ્યો જે તારી પાસે અકાળે જોયાં વિના,
સંતાનોની ખુશી અને સફળતાનાં દિવસો!
અધૂરાં રહ્યાં છે તમામ સપનાંઓ એનાં,
પૂરાં કરજે આવતાં જન્મમાં એનાં🙏
Miss you mummy
😢😢