#Friendship
પોતે તકલીફમાં હોવા છતાં 'તુ મજામાં છે ને?' આવું હસતા મોંએ પૂછે તે મિત્ર. બાળપણનો મિત્ર આપણી તકલીફ અનાયાસે જાણી જાય છે.
મારો તો અનુભવ છે. અમે મિત્રો બધાં મોટા ભાગે માત્ર ચેટિંગ જ કરીએ છીએ કારણ કે દરેકના કામનાં સમય અલગ અલગ છે. પણ હું જ્યારે ઉદાસ હોઉં છું ત્યારે અનાયાસે જ મારા મિત્રોમાંથી ક્યાં તો કોઈનો હતાશા દૂર કરનાર મેસેજ આવી જાય છે અને ક્યાં તો 'આજે તારી બહુ યાદ આવતી હતી' કરીને ફોન આવી જાય છે.
આવું જ મારે પણ બને છે. જ્યારે મને કોઈ મિત્રને ફોન કરવાની તીવ્ર ઈચ્છા થાય ત્યારે ખરેખર એવું બને છે કે એ પણ એવું જ વિચારતો/તી હોય છે અને અનાયાસે જ ફોન પર વાત કરી લઈએ છીએ.
