रुपिया नाही कमाइत
सारी दुनियादारी हमरे ऊपर
घर क जिम्मेदारी हमरे ऊपर
तबउ जिम्मेदार नाही कहाईत
काहे से की रुपिया नाही कमाइत
खाई न गुटखा नाही पान सुपारी
लेई न दारू बीयर न महुआ तारी
हम बढि़ - चढ़ि के नाही बतियाइत
काहे से की रुपिया नाही कमाइत
गाय भैंस अउ खेती बारी हम देखी
कूड़ा कचरा गोबर माटी हम फेकी
कौनउ काम से तनिकउ नाही लजाइत
काहे से की रुपिया नाही कमाइत
देखि के लोगवा हैरान बहुत बा
काहे की हमरे अंदर जान बहुत बा
तबउ घर में इज्जत नाही पाइत
काहे से की रुपिया नाही कमाइत
देखि लिहा हम के बा कइसन
ठीक बा सब जइसन बा तइसन
ज्योति हई हम नाही बुझाइत
संघर्ष से पीछे हम नाही पराइत
काहे से की रुपिया नाही कमाइत
ज्योति प्रकाश राय
भदोही उत्तर प्रदेश
