છૂપકેથી આવી , મારા ઘા કોણ રૂઝાવી જાય છે!
ભીતરે સતત જલતી આગ, કોણ બુઝાવી જાય છે!

કદીક ઝરમર , કદીક માવઠું તો કદી મુશળધાર બની,
કોરી કોરી આંખોની પ્યાસ, કોણ બુઝાવી જાય છે!

વર્ષોથી થીજવી રાખેલી મેં લાગણીઓ બરફ સમ,
આ કોનો સ્પર્શ ઓગાળે,આ વાત મૂંઝાવી જાય છે!

લઈને બેસું છું હું તો માત્ર કાગળ,કલમ ને એક સાંજ,
લાગણીઓથી તરબતર શબ્દો, કોણ સૂઝાવી જાય છે!

અડાબીડ અવિશ્વાસનો અંધકાર ફેલાયો છે ચોતરફ,
આ કોનો તે પ્રેમ મને હેતહિંડોળે ઝુલાવી જાય છે!

✍️ સરગમ

-Priyanka Chauhan

Gujarati Poem by Priyanka Chauhan : 111871192

The best sellers write on Matrubharti, do you?

Start Writing Now