" એ નહીં આવે વરસાદમાં..!! "

એ નહીં આવે કદી વરસાદમાં,
આગ લાગી ગઈ સખી વરસાદમાં.

કોની સાથે જઈને ભીંજાવું હવે,
સાવ સૂની છે ગલી વરસાદમાં.

એક દુઆ માંગી કોઈએ રાતભર,
એક ગઝલ મેં પણ લખી વરસાદમાં.

દુઃખની રાતોમાં કોઈ મળતું નથી,
ક્યાં મળે છે ચાંદની વરસાદમાં.

છે તગઝ્ઝુલ રંગનો વૈભવ ‘અદી’
શાયરી દુલ્હન બની વરસાદમાં..!!
🖋️
" અદી મિરઝા "

- ગુઝારીશ-એ-ગઝલ

Gujarati Poem by Desai Mavji : 111985157

The best sellers write on Matrubharti, do you?

Start Writing Now