🔥 અધૂરી શોધ 🔥
ચાલ્યો હતો હું તને પામવા અનેક રસ્તાઓ પર,
પણ દરેક વળાંક પર ખુલ્લા દરવાજા નથી મળતા.
આંખોમાં સ્વપ્ન તો છે, પણ મંજિલ દેખાતી નથી,
હાથ ફેલાવું છું, પણ હવે કોઈ સહારા નથી મળતા.
ભીડમાં પણ એકલો છું બસ તારી યાદોની સાથે,
આ શહેરમાં હવે એ જાણીતા ઇશારા નથી મળતા.
અહેસાસ તો રહે છે સદા કે તું ક્યાંક આસપાસ છે,
પણ નસીબના નકશામાં ક્યાંય એ કિનારા નથી મળતા.
પૂછું છું સમય અને ભાગ્યને હું દરેક દુઆઓમાં,
કેમ તારા સુધી પહોંચવાના સાચા રસ્તા નથી મળતા?
