(„ગઝલ”) – "દર્દ એ દિલ"

તારી બદ દુઆની એક ફરિયાદ એ દિલમાં છે હજી,
તું તો ગઈ, પણ તારી યાદ એ દિલમાં છે હજી.

લોકો કહે છે ભૂલી જા, નવો ચિરાગ કર,
હું પ્રેમમાં કેવો થયો બરબાદ એ દિલમાં છે હજી.

તેં તો નવા ઘરના દીવા શણગારી દીધા,
મારા એકાંતનો ઘેરો અવસાદ એ દિલમાં છે હજી.

છેલ્લી મુલાકાતે તેં કંઈ જ ના કહ્યું,
બસ તારો એ મૌન સંવાદ એ દિલમાં છે હજી.

તું સુખી છે એ સાંભળીને રડી પડ્યો છું,
તોય તારી ખુશીની આબાદ એ દિલમાં છે હજી.

દુનિયાએ તો મને હસીને નાશાદ કહી દીધો,
તેં આપેલો પ્રેમનો ઉન્માદ એ દિલમાં છે હજી.

હાર્યો છું હું જાતથી, જગથી નહિ, "સ્વયમ્'ભૂ,"
તારો જ દીધેલો વિષાદ એ દિલમાં છે હજી.

અશ્વિન રાઠોડ — "સ્વયમ્'ભૂ"

Gujarati Poem by અશ્વિન રાઠોડ - સ્વયમભુ : 112032493

The best sellers write on Matrubharti, do you?

Start Writing Now