ૐ નમઃ શિવાય 🙏
" શિવ સ્તુતિ "
શિવ શંકર કૈલાસ નિવાસી;
હાથ ત્રિશુળ, ભુજંગ ધારી;
દેવાધિદેવ જય શ્રી મહાદેવ,
ભોલેનાથ સદા મંગલકારી;
ગળે રૂદ્રમાળા, અંગ ભભૂત,
શીશે ગંગ વહે, બિજ ચંદ્રધારી;
વાઘ ચમ્મર, મૂંડમાળા ધરતા,
વગાડે ડમરું કરે નંદી સવારી;
નાચે નાચ તાંડવ શ્રી નટરાજા,
મહા મૃત્યુંજય કલ્યાણકારી;
ત્રિનેત્ર, નિલકંઠ, નાગેશ્વરાય,
મહાકાલેશ્વર, ભોલે ભંડારી;
શિવજી, શિવાજી, શ્રી શિવા,
પૂજા કરતી આ દુનિયા સારી;
ધરા સંગ "વ્યોમ" પર પૂજાયા,
ૐ નમઃ શિવાય, શિવ ૐકારી;
✍...© વિનોદ. મો. સોલંકી "વ્યોમ"
જેટકો (જીઈબી) અજાર. મુ. રાપર.
