🍺 " સાકીની નિગાહ " 🍺
મેં તો સાકીની નિગાહમાં જ પી લીધી.
આજ દરદની પનાહમાં જ પી લીધી.
મયખાનાની ગલીએથી જો ગુજર્યા,
તો પયમાનાની આહમાં જ પી લીધી.
ઇશ્કની ભરબજારે થયા બેઇજ્જત,
અમે તો એમની રાહમાં જ પી લીધી.
બળી ઊઠ્યા જોઈ મારી મુસ્કુરાહટ,
ડગમગાતાં એની દાહમાં જ પી લીધી.
ગણ્યા ના કદી આ જગના નફા-તોટા,
અમે તો ખુદની ચાહમાં જ પી લીધી.
નથી જાણ કે ક્યાં જશે આ જિંદગી,
બસ, વફાના ગુનાહમાં જ પી લીધી.
નહોતી કોઈ નશાની જરૂરત 'વ્યોમ',
વહેતા સહજ પ્રવાહમાં જ પી લીધી.
✍...© વિનોદ. મો. સોલંકી "વ્યોમ"
જેટકો (જીઈબી) અંજાર. મુ. રાપર.
