Quotes by Makavana Nirav in Bitesapp read free

Makavana Nirav posted an update Gujarati Thought

હાઇકું

દોસ્તો એટલે
દોર્યા વગર જોવું
ગમતું ચિત્ર.
-નિરવ મકવાણા

97 Views

Makavana Nirav posted an update Gujarati Poem

સૂર્યના આછેરા કિરણોથી ઉગ્યું છે સુવર્ણ પ્રભાત,
કરવી છે ઝાકળને ઘાસની અનેરી મૈત્રીની વાત.

વસ્તીના ટાબરીયા રખડે છે
નાની નાની ગામની ગલીઓમાં,
જીણેરા પરપોટા જોઈને
કૂંપળુ ફૂટે છે આ કળીઓમાં.

રસ્તો કેવો લાગણીશીલ છે લઈ જાય વાદળને સંગાથ,
પ્રકૃતિ કેરા ઘટકોનો તમે કોઈ દિવસ માણ્યો છે સ્વાદ?
ઉગ્યું છે સુવર્ણ પ્રભાત...

કાપીને વૃક્ષો બનાવ્યા છે
માનવીએ આલિશાન મહેલ,
ઘૂંટી ઘૂંટીને પીવા પડશે
વરસાદ વિનાના એ ઝેર.

મોર્ડન આ મુનિયા ને દાદા પીવડાવે છે ખાટી ખાટી છાશ,
ભુલાતી જાય છે આપણી એ તો કેવી અજબ જેવી વાત.
ઉગ્યું છે સુવર્ણ પ્રભાત...

પડઘાતો રહ્યો મુજ દ્વારે
વાયરાનો વંટોળિયો વેગ,
માળા તરફ જતા પંખી પર
રેલાયુ સંધ્યાના રંગોનું તેજ.

ઘુઘવતા દરિયાને કાંઠે બેસતા વિચરતો નવો-નવો ખ્યાલ,
સુખ દુઃખના ભેરુની સાથ ખેડયો અમે જીવનનો પ્રવાસ.
ઉગ્યું છે સુવર્ણ પ્રભાત...

-નિરવ મકવાણા

Makavana Nirav posted an update Gujarati Thought

2 years ago

નેટવર્ક વગરના સ્થળે મનનું નેટવર્ક વધારે માત્રામાં આવતુ હોય છે માટે જ લોકો થાકી જાય ત્યારે નદીનો કિનારો,રેતીનું રણ કે પછી દૂરના જંગલો પાસે જવાનું વધારે પસંદ કરે છે ત્યાં કોઈ જ અંગત નથી હોતું પરંતુ પોતાની જાતથી અંગત શું હોય? ત્યારે જે જાતથી વાત કરવાની મોકળાશ વધારે હોય છે તેનો આનંદ અનેરો હોય છે.