હાં, હૈયે રહી ગયો ખટકો એક!
હતો કાળજા કેરો કટકો એક!

આંખોમાં છલકતી મસ્તી હતી,
કામણગારો હતો લટકો એક!

હતું ઝુલ્ફો ના વાદળો વરસશે,
પણ હકીકતે હતો છટકો એક!

શાંત સરોવર સમું જીવન હતું,
પાણો મારી, દીધો ઝટકો એક!

હિસાબ શીખ્યો નહીં હું એટલે,
લાગણી માં વાગ્યો ફટકો એક!

લાગે છે કે, એ ફરી યાદ આવી!
અંગેઅંગ માં છે સટકો એક!

ઊભો તો રહી ગયો 'મુંતઝીર',
પણ શંકાનો મનમાં ચટકો એક!

Gujarati Shayri by Kamlesh Khuman : 111032818

The best sellers write on Matrubharti, do you?

Start Writing Now