સ્પર્શ

એય, એક વાત કહુ.!
તારો સ્પર્શ મને બહુ ગમે છે.

જાણે ખીલેલાં ગુલાબને,
ઝાકળના આહલાદક બિંદુઓનો,
સોનેરી સમન્વય સમું,
એ ખીલવું મને ગમે છે.

સેંકડો વાદળોને ભેદીને,
ધરતી ભણી દોટ મૂકતા મેહુલાથી,
આતુર, તૃપ્તમય સમું,
એ ભીંજાવું મને ગમે છે.

વહેતા ઝરણાનાં વ્હેણમાં,
કાન્હાને નિહાળતી રાધાની,
તાદ્રશ્ય, નયનરમ્ય સમું,
એ નિખરવુ મને ગમે છે.

મધુરરજની વેળાએ,
ગજરામાં ગૂંથાયેલ મોગરાથી,
રોચક, સુગંધમય સમું,
એ પ્રસરવુ મને ગમે છે.

એય, એક વાત કહુ.!
તારો સ્પર્શ મને બહુ ગમે છે.

@ મેહૂલ ઓઝા

Gujarati Poem by Mehul Oza : 111243726
कबीर 7 years ago

ખુબ સરસ વાત કરી

The best sellers write on Matrubharti, do you?

Start Writing Now