Free Gujarati Poem Quotes by Dimpal Kapadiya | 111596625

**જિંદગી**

*તુ દોડતી જાય છે ને મારાથી
ચલાતું પણ નથી,
*ધીમે ચાલ જિંદગી મારાથી
  થાકી જવાય છે.

*ઘણા બધા સ્વપનો છે મારી
  આંખોમાં,
*થોડાક તેં બતાવેલા થોડાક
મેં સંઘરેલાં,

*કેટલાક સબંધો છે મારી સાથે
જોડાયેલા,
*ઘણા ઈશ્વરે આપેલા ને થોડા
  મેં બનાવેલા.

*જોજે એ બધા મારાથી છૂટી
  ન જાય ધીમે ચાલ જિંદગી,
  મારાથી થાકી જવાય છે.

*કઈ કેટલીય લાગણીઓ છે,
આ હૃદયમાં ઘણી બધી ગમતી,
અને થોડીઘણી અણગમતી.

*કંઈક કેટલીય જવાબદારીઓ છે,
  આ જીવન માં,
*થોડીક જબરદસ્તીથી સોંપેલી,
  થોડીક મેં સ્વીકારેલી.

*એ બધાનો ભાર ઉંચકીને લાંબુ,
ચાલી શકું એ માટે,
*ધીમે ચાલ જિંદગી મારાથી
  થાકી જવાય છે.

*ઘણાબધા નું હૃદયમાં સ્થાન
બનાવવું છે,
*અને ઘણાબધા નું હૃદયમાં
સ્થાન ટકાવવું છે.

*જવાબદારીઓ સાથે પોતાના
સ્વપનો પુરા કરી શકું કે,
*તું ધીમે ચાલજિંદગી મારાથી
  થાકી જવાય છે,

*કોઈને કડવાશથી યાદ કરું એવા
વ્યવહાર ટાળ્યા છે
*લોકોના હૃદયમાં હંમેશા રહું એવા
પ્રયત્ન કર્યા છે.?

*ભૂલથી પણ કોઈના હૃદયને ઠેસ
  ન પહોંચે એવી પ્રભુ પાસે પ્રાર્થના
  કરી છે,

*એવી મારી પ્રાર્થનાને ફળીભૂત
  થતાં જોવી છે,
*તો ધીમે ચાલ જિંદગી મારાથી
  થાકી જવાય છે.

*રેતની જેમ સમય મુઠ્ઠી માંથી
  સરકે છે,
*આજે સાથે ચાલીએ છીએ
  કાલ ની કોને ખબર છે..?

*ખુબ પ્રેમ કરુ છું તને ઓ
*જિંદગી*
*જરા તું ધીમે ચાલ મારાથી
  થાકી જવાય છે..

Kamlesh 2 years ago

વાહ!!! ખુબ સુંદર રચના મહોદયા...

View More   Gujarati Poem | Gujarati Stories