કેટ કેટલાં ઉપકાર છે તાત તણા
આંગળીના વેઢે તો ક્યાં ગણાય છે ?
દિ' આખો પરિશ્રમ કરી ઘરે આવતાં,
મુજ બાળને જોઈ ચહેરો મલકી ઉઠતો.
થાક્યાં પાકયા ઘરે આવી હાશ કરતાં,
ઘર પરિવાર માં દિ' આખાનો થાક વિસરાતો.
પ્રેમથી મુજને રમાડતાં
અને હું અબૂધ પિતાથી ડરતો રહેતો.
સમજણો થયો કિંતુ પિતાને ન સમજ્યો.
લાગણી પિતાની ઠુકરાવતો રહ્યો
મુજ પ્રેમ માટે તરસતા રહ્યા પિતા
ને એમની આંખોમાં એ તરસ જોઈ ના શક્યો.
વળાવી આવ્યા તાતને ત્યારે આવી સમજ.
પ્રેમ માટે ઝૂરતા પિતાની યાદમાં ઝૂરી રહ્યો છું આજ .
વિભૂતિ દેસાઈ ઘાસવાલા બિલીમોરા.