ઓચિંતા ખખડાવ્યો કોઈ એ મન નો દરવાજો,
ને હરખાતી પહોંચી હું જોવા..
આવકારો આપતા હૈયું હેલે ચડ્યું,
અને અનરાધાર આશું આંખ માં..
ઉભરાતું ઉદર જોઈ ને હૈયું મારુ હરખાય,
સંભાળી ને મને નાચવાનું મન થાય..
થાતું બધું જ મારું મનગમતું જાણે,
કોઈ મહારાણી ની સરભરા થાય..
તારા આવવાના સમાચાર માત્ર થી,
મારુ ઘર ઉપવન બની જાય..
લાગે છે નાળ જોડાઈ ગઈ તારી સાથે,
જોને!કેવી સુગંધ છે,મારા શ્વાસે..
તારું એ પ્રથમ વાર નું ફરકવું,મારા,
અંગેઅંગ માં રોમાંચ પ્રસરાવી ગયું..
ને તારું આ મારા ઉદર માં આગમન થવું,
મારુ જીવન સાર્થક કરી ગયું.
તારી વાતો તો જાણે કેવી હશે?
પણ તારી લાતો મને મજાની લાગે છે..
ને તારા આવવાની ઘડી ની પીડા,
પણ હવે તો મને મીઠી લાગે છે..
એ નવલા મહેમાન ની જોઈ ને કાયા ,
લાગે છે મને એની એવી રે માયા,
લાગે છે પોતાનું દરેક હવે અન્ય થઈ ગયું,
તારા જન્મ થી મારુ જીવન ધન્ય થઈ ગયું...
આરતી ગેરીયા....
