ઈશ ! તારી એક બે રચનાથી સ્તબ્ધ છું;
ચોતરફ બનતી જતી ઘટનાથી સ્તબ્ધ છું.

આ હવાના શાંત આ પગલાંથી સ્તબ્ધ છું;
જે નથી આવ્યું હજી, સપનાથી સ્તબ્ધ છું.

વાત વાતે આવતાં 'અથવા' થી સ્તબ્ધ છું;
આટલું કારણ વિના મથવાથી સ્તબ્ધ છું.

લાગણીના આટલા ઢગલાથી સ્તબ્ધ છું;
જાત સાથે રોજના ઝઘડાથી સ્તબ્ધ છું.

યાદમાંથી ઉડતા તણખાથી સ્તબ્ધ છું;
આપણા વિચાર આ સરખાથી સ્તબ્ધ છું.

પૂછ ના કે કેમ હું હમણાંથી સ્તબ્ધ છું?
હું હકીકતમાં મને મળવાથી સ્તબ્ધ છું.

#ડૉ_મુકેશ_જોષી

Gujarati Poem by અધિવક્તા.જીતેન્દ્ર જોષી Adv. Jitendra Joshi : 111787327

The best sellers write on Matrubharti, do you?

Start Writing Now