ટેવ કાં પાડી તમે
અધ વચાણે છોડવાની ટેવ કાં પાડી તમે.
દ્રાર મનનાં ભીડવાની ટેવ કાં પાડી તમે.
બંધ બારી બારણાં રાખી શકો આદત થકી,
હાથ સાથે જોડવાની ટેવ કાં પાડી તમે.
મૌન રહેવું એટલું અઘરું નથી તો કેમ ત્યાં,
ભેદ સૌના ખોલવાની ટેવ કાં પાડી તમે.
કોઈ પણ આરોપ સ્વીકારી શકાતો નથી,
એ બીજા પર ઢોળવાની ટેવ કાં પાડી તમે.
ખાસ સમજી રાખશે વિશ્વાસ, સોપી ને બધું,
ત્યાં ભરોસો તોડવાની ટેવ કાં પાડી તમે
આમ બીજાના ખભે બંદૂક રાખ્યે શું થશે?
આમ તોડી ફોડવાની ટેવ કાં પાડી તમે.
બંધ બેઠી પાઘડીને પ્હેરવી સારું નથી.
કે બધુંયે ઓઢવાની ટેવ કાં પાડી તમે.©
કાજલ
કિરણ પિયુષ શાહ
