ઉંચાઈ ની આવી જ્યારે આપણી બાજી,
ત્યારે જ અમેરિકા એ કરી બાથંબાથી;
ઇન્વેસ્ટમેન્ટ મારું પડ્યું ધડામધમ,
મારી આશાનું પિલ્લુ વળી ગયું ભમ!
ખૂબસૂરતી જ્યારે આસમાને પહોંચે,
ત્યારે જ કોઈની નજર એના પર પડે;
પોર્ટફોલિયો મારો લીલોછમ દેખાતો હતો,
ત્યાં જ મંદીનો કાળો કાગડો એને નડે.
ગ્રીન સિગ્નલ જોઈને મેં તો લગાવી હતી દોટ,
ખબર નહોતી કે નસીબમાં લખી હશે આટલી ખોટ;
ન્યૂઝ ચેનલ વાળા રોજ નવી વાતો લાવે,
પણ મારા ગજવામાં તો ખાલી પવન જ ફાવે!
ડોલર સામે રૂપિયો જ્યારે લથડવા લાગે,
ત્યારે રાતના મોડા સુધી મારી ઊંઘ ભાગે;
એવરેજ કરવાના ચક્કરમાં બધું જ મેં ખોયું,
લોસ જોઈને રાત્રે મેં તો છાનુંમાનું રોયું.
પણ હિંમત નથી હારવી, આ તો છે માર્કેટની ચાલ,
આજે ભલે ખરાબ છે, પણ કાલે આવશે ગુલાલ;
ધીરજ રાખશું તો ફરીથી દિવસો વળશે,
પડેલું આ પિલ્લુ ફરી આસમાને ચડશે!
