માનવમાત્રને થયો હાશકારો, વર્ષાના આગમને.
હળવા જળતંગીના પડકારો, વર્ષાના આગમને.
ગયો સૂરજ સંતાઈ ઘટાટોપ ઘન ભાળી આકાશે,
માટીની સુગંધના સૌ ઉદગારો, વર્ષાના આગમને.
રીમઝીમધારે આગમન એનું સજીવમાત્રને રુચિકર,
જાણે આભેથી વરસી અમીધારો,વર્ષાના આગમને.
વહ્યાં ખળખળ વારિ રોડ રસ્તાને નદીનાળાંમાં કેવાં,
ખુશીથી ઝૂમી ઊઠ્યા કૃષિકારો, વર્ષાના આગમને.
રીઝયા દેવ પર્જન્યને જેણે જળરૂપી જીવન આપ્યું,
હોડી તરાવતા શિશુના કિલકારો, વર્ષાના આગમને.
- ચૈતન્ય જોષી. " દીપક " પોરબંદર.
