ઘરમાં હતો સાવ સૂનકાર ત્યાં તો ચકલી આવી
તૂટી ગઈ વિચાર ભરમાર ત્યાં તો ચકલી આવી
ચીં ચીં કરી આખું ઘર જાણે કે એણે માથે લીધું
ઘરમાં ભમ્યા કરે વારંવાર ત્યાં તો ચકલી આવી
આ એ જ ચકલી છે જે મારી ફળીના ઝાડની
લૈ આવી બચ્ચાં વણજાર ત્યાં તો ચકલી આવી.
મને સ્ફુર્યો વિચાર "શું આ ઘર મારું એકલાનું જ"?
પંખી પણ બનાવે આધાર ત્યાં તો ચકલી આવી
ને મને યાદ આવી સુતા નાનકી ચકીસંગ રમતી,
હતું બંનેમાં હેત અપાર ત્યાં તો ચકલી આવી.
- ચૈતન્ય જોષી 'દિપક ' પોરબંદર.
